ഇലക്ട്രല് ബോണ്ട് വിശദാംശങ്ങള് എസ്.ബി.ഐ തിരഞ്ഞെടുപ്പ് കമ്മീഷന് കൈമാറി. ചൊവ്വാഴ്ച വൈകുന്നേരം 5.30ന് മുമ്പ് വിശദാംശങ്ങള് തിരഞ്ഞെടുപ്പ് കമ്മീഷന് കൈമാറാൻ സുപ്രീംകോടതി ഉത്തരവിട്ടിരുന്നു. സുപ്രീംകോടതി ഉത്തരവ് ലംഘിച്ചാല് കോടതി അലക്ഷ്യ നടപടിയെടുക്കുമെന്നും മുന്നറിയിപ്പ് നല്കിയിരുന്നു.
ഇലക്ട്രല് ബോണ്ടിന്റെ വിശദാംശങ്ങള് സമര്പ്പിക്കാന് എസ്.ബി.ഐ സമയം നീട്ടി ചോദിച്ചിരുന്നു. എന്നാൽ, ഇത് സുപ്രീം കോടതി തള്ളി. വിവരങ്ങള് ക്രോഡീകരിച്ച് നല്കാന് സമയം വേണം എന്നായിരുന്നു എസ്.ബി.ഐ വാദം. ഇലക്ടറല് ബോണ്ട് ആര് വാങ്ങി, ആരാണ് സ്വീകരിച്ചത് എന്ന വിവരങ്ങള് പ്രത്യേകം സമര്പ്പിച്ചാല് മതി എന്ന് സുപ്രീം കോടതി അറിയിച്ചിട്ടുണ്ട്.
എസ്.ബി.ഐ കൈമാറിയ വിവരങ്ങള് മാര്ച്ച് 15ന് വൈകുന്നേരം അഞ്ചിന് മുന്പ് തിരഞ്ഞെടുപ്പ് കമ്മീഷന് വെബ്സൈറ്റില് പ്രസിദ്ധീകരിക്കും.
