തിരുവനന്തപുരം: പേട്ടയിൽ രണ്ട് വയസുകാരിയെ തട്ടിക്കൊണ്ടുപോയ കേസിൽ പ്രതി ഹസ്സൻ കുട്ടിക്കെതിരെ പോലീസ് കുറ്റപത്രം സമർപ്പിച്ചു. വധശ്രമം, പോക്സോ നിയമത്തിലെ വിവിധ വകുപ്പുകൾ, തട്ടിക്കൊണ്ടുപോകൽ തുടങ്ങിയ കുറ്റങ്ങൾ ചുമത്തിയാണ് കോടതിയിൽ കുറ്റപത്രം സമർപ്പിച്ചിരിക്കു ന്നത്.
പ്രതി ജയിലിൽ കഴിയുമ്പോൾ തന്നെ കേസിന്റെ വിചാരണ പൂർത്തിയാകുമെന്ന് പോലീസ് പറഞ്ഞു. കേസ് അന്വേഷിച്ച തിരുവനന്തപുരം പേട്ട പോലീസാണ് പോക്സോ കോടതിയിൽ വെള്ളിയാഴ്ച കുറ്റപത്രം നൽകിയത്.
തിരുവനന്തപുരം ചാക്കയിൽ രക്ഷിതാക്കൾക്കൊപ്പം ഉറങ്ങി കിടന്ന രണ്ട് വയസുകാരിയെ തട്ടികൊണ്ടുപോയ പ്രതി, പിന്നീട് കുട്ടിയെ പൊന്തക്കാട്ടിൽ ഉപേക്ഷിക്കുകയായിരുന്നു.
