കൊച്ചി: നടി കവിയൂർ പൊന്നമ്മ അന്തരിച്ചു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. 80 വയസായിരുന്നു.
മികച്ച നടിക്കുള്ള സംസ്ഥാന പുരസ്ക്കാരം 4 തവണ ലഭിച്ചിട്ടുണ്ട്. എഴുന്നൂറിലധം ചിത്രങ്ങളിൽ അഭിനയിച്ചിട്ടുണ്ട്. വാര്ധക്യ സഹജമായ അസുഖങ്ങള് കൊണ്ട് ഏതാനും ദിവസങ്ങളായി ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിലായിരുന്നു. നിരവധി സിനിമാ പ്രവർത്തകർ വിവരം അറിഞ്ഞതിനെ തുടർന്ന് ആശുപത്രിയിലേക്ക് എത്തിയിട്ടുണ്ടെന്നാണ് വിവരം.
അര പതിറ്റാണ്ട് നീണ്ടു നിന്ന സിനിമ ജീവിതത്തില് അമ്മ കഥാപാത്രങ്ങളിലൂടെ ശ്രദ്ധ നേടിയ നടിയാണ് കവിയൂർ പൊന്നമ്മ. ഇതുവരെ നാനൂറിലധികം സിനിമകളിൽ അഭിനയിച്ചിട്ടുണ്ട്.
കെപിഎസി നാടകങ്ങളില് അഭിനയിച്ചായിരുന്നു തുടക്കം. 1962ല് ശ്രീരാമ പട്ടാഭിഷേകം എന്ന സിനിമയിലൂടെയാണ് കവിയൂര് പൊന്നമ്മ മലയാള സിനിമയില് അരങ്ങേറ്റം കുറിച്ചത്. രാമായണം അടിസ്ഥാനമാക്കി ഒരുക്കിയ ചിത്രത്തില് രാവണന്റെ ഭാര്യയായ മണ്ഡോദരിയെ ആയാണ് കവിയൂര് പൊന്നമ്മ വേഷമിട്ടത്.
ഇരുപതാം വയസില് കുടുംബിനി എന്ന ചിത്രത്തില് സത്യന്, മധു തുടങ്ങിയ നായക നടന്മാരുടെ അമ്മയായി വേഷമിട്ടതോടെ കവിയൂര് പൊന്നമ്മ വെള്ളിത്തിരയില് ശ്രദ്ധിക്കപ്പെട്ടു. പ്രേം നസീര് മുതല് പുതുതലമുറ നടന്മാരുടേതുള്പ്പെടെ അമ്മയായി വേഷമിട്ടിട്ടുണ്ട്.
എം ടി വാസുദേവന് നായര് തിരക്കഥയെഴുതി നിര്മ്മിച്ച് സംവിധാനം ചെയ്ത നിര്മാല്യം (1973) കവിയൂര് പൊന്നമ്മയുടെ ആദ്യകാലത്തെ ശ്രദ്ധേയമായ സിനിമകളില് ഒന്നായിരുന്നു. സിനിമയിലെ കേന്ദ്ര കഥാപാത്രമായ വെളിച്ചപ്പാടിന്റെ ഭാര്യയായി വേഷമിട്ട കവിയൂര് പൊന്നമ്മയുടെ കഥാപാത്രം നിരൂപക ശ്രദ്ധ പിടിച്ചുപറ്റിയിരുന്നു.
പിന്നീടിറങ്ങിയ നെല്ല് എന്ന ചിത്രമായിരുന്നു പൊന്നമ്മയുടെ കരിയറിലെ നാഴിക കല്ലായിമാറത്. 1980 കളില് മലയാള സിനിമയില് ഒഴിച്ചുകൂടാനാകാത്ത താരമായി കവിയൂർ പൊന്നമ്മ മാറി. 1989-ല്, ‘ദേവദാസ്’ ഏറെ ശ്രദ്ധിക്കപ്പെട്ടു.
മോഹൻലാലിന്റെ അമ്മയായുള്ള വേഷങ്ങളാണ് കൂടുതൽ ശ്രദ്ധിക്കപ്പെട്ടത്. കവിയൂർ പൊന്നമ്മയുടെ മകനാണ് മോഹൻലാൽ എന്ന് പോലും പലരും വിശ്വസിച്ചിരുന്നു. സിനിമയിൽ നിന്നും വിട്ട് വടക്കൻ പറവൂറിലെ കരമാനൂരിലെ വീട്ടിൽ വിശ്രമ ജീവിതത്തിലായിരുന്നു താരം.
നാല് തവണ മികച്ച രണ്ടാമത്തെ നടിക്കുള്ള സംസ്ഥാന പുരസ്കാരം കവിയൂർ പൊന്നമ്മ നേടിയിരുന്നു. നിരവധി സിനിമകളില് ഗായികയായും തിളങ്ങിയിരുന്നു.
