ബാർബഡോസ്: ടി20 ലോകകപ്പ് വിജയം ഇന്ത്യൻ ടീമിന്റെ കൂട്ടായ പരിശ്രമത്തിന്റെ ഫലമാണെന്ന് ക്യാപ്റ്റൻ രോഹിത് ശർമ്മ. ഒരുഘട്ടത്തിൽ മത്സരം കൈവിട്ടു പോയെന്നു തോന്നിച്ചെന്നും അവിടെ നിന്നാണ് ടീം തിരികെ എത്തിയതെന്നും ക്യാപ്റ്റൻ പറഞ്ഞു.
കഴിഞ്ഞ മൂന്ന് വർഷത്തെ പരിശ്രമത്തിന്റെ ഫലമാണ് ഇപ്പോൾ കണ്ടത്. നന്നായി കഠിന്വധ്വാനം ചെയ്തു. പുറത്ത് കാണുന്നത് പോലെയല്ല തിരശീലയ്ക്ക് പിന്നിൽ ഒരുപാട് കാര്യങ്ങൾ നടക്കുന്നുണ്ട്. എൻ്റെ ടീമിനെ കുറിച്ചോർത്ത് എനിക്ക് അഭിമാനമുണ്ട്.
കോച്ച്, ടീം മാനേജ്മെൻ്റ് അങ്ങനെ എല്ലാവരോടും കടപ്പെട്ടിരിക്കുന്നു. അതിശയിപ്പിക്കുന്ന പ്രകടനം ടൂർണമെന്റ്റിലുടനീളം ടീമിന് പുറത്തെടുക്കാനായി. നിർണായക മത്സരത്തിൽ കോഹ്ലി ഫോമിലേക്ക് തിരിച്ചെത്തി. മറ്റുള്ളവർ പിന്തുണ നൽകി.
കോഹ്ലി കഴിയുന്ന അത്രയും പിടിച്ചുനിന്ന് കളിച്ചു. അക്സർ പട്ടേലിന്റെ 47 റ ൺസും മത്സരത്തിൽ വളരെ നിർണായകമായെന്ന് രോഹിത് പറഞ്ഞു.
