ലോക്സഭാ തിരഞ്ഞെടുപ്പിൽ ബംഗാളിൽ ഒറ്റയ്ക്ക് മത്സരിക്കുമെന്ന് വ്യക്തമാക്കി തൃണമൂൽ കോൺഗ്രസ് വ്യക്തമാക്കിയിരുന്നു. ഇതിന്റെ അടിസ്ഥാനത്തിൽ ആകെയുള്ള 42 സീറ്റിലും സ്ഥാനാർത്ഥികളെയും പ്രഖ്യാപിച്ചു. ഇപ്പോഴിതാ തൃണമൂൽ കോൺഗ്രസിന് മറുപടിയുമായി കോൺഗ്രസ് എത്തിയിരിക്കുകയാണ്. ബംഗാളിൽ തൃണമൂലുമായി സീറ്റ് പങ്കിടുന്നതിൽ കരാർ ഉണ്ടാക്കാനുള്ള ആഗ്രഹം നിരവധിതവണ വ്യക്തമാക്കിയിരുന്നതായി കോൺഗ്രസ് നേതാവ് ജയറാം രമേശ് എക്സ് പ്ലാറ്റ്ഫോമിൽ കുറിച്ചു.
മമതയുടേത് ഏകപക്ഷീയമായ സീറ്റ് പ്രഖ്യാപനം എന്ന് ബംഗാളിൽ നിന്നുള്ള കോൺഗ്രസ് എംപിയായ അധീർ രഞ്ജൻ ചൗധരിചൗധരി പറഞ്ഞു. ‘ഇന്ത്യ ഗ്രൂപ്പിൽ തുടരുകയാണെങ്കിൽ, താൻ പ്രധാനമന്ത്രി മോദിക്കെതിരെ പോകേണ്ടിവരുമെന്ന് മമത ബാനർജി ഭയപ്പെടുന്നു, അദ്ദേഹം ഇഡിയെയും സിബിഐയെയും ആവർത്തിച്ച് അയയ്ക്കും. ഇത് ടിഎംസിയെ അപകടത്തിലാക്കും. അതിനാൽ മോദി അസന്തുഷ്ടനാകുന്നത് തടയാൻ, സഖ്യത്തിൽ നിന്ന് വേർപിരിയുന്നതാണ് നല്ലത്,” കോൺഗ്രസ് എംപി പറഞ്ഞു.
മമത ബാനർജി തൻ്റെ നീക്കത്തിലൂടെ പ്രധാനമന്ത്രി നരേന്ദ്ര മോദിക്ക് ഒരു സന്ദേശം അയക്കുകയാണെന്നും ബിജെപിക്കെതിരെ തൻ്റെ പാർട്ടി മത്സരിക്കില്ലെന്ന് ഉറപ്പ് നൽകുകയാണെന്നും ചൗധരി അവകാശപ്പെട്ടു. “ഏകപക്ഷീയമായ സീറ്റ് പ്രഖ്യാപനം” ഉണ്ടാകാൻ പാടില്ലായിരുന്നുവെന്നും പറഞ്ഞു. “ഏകപക്ഷീയമായ സീറ്റ് പ്രഖ്യാപനം” ഉണ്ടാകാൻ പാടില്ലായിരുന്നുവെന്നും അദ്ദേഹം പറഞ്ഞു.
പശ്ചിമ ബംഗാളിൽ ടിഎംസിയുമായി മാന്യമായ സീറ്റ് പങ്കിടൽ ഫോർമുല വേണമെന്ന് കോൺഗ്രസ് എപ്പോഴും വാദിക്കുന്നുണ്ടെന്നും പാർട്ടി എപ്പോഴും ചർച്ചകൾക്ക് തയ്യാറാണെന്നും എഎൻഐ വാർത്താ ഏജൻസിയോട് സംസാരിക്കവെ അദ്ദേഹം കൂട്ടിച്ചേർത്തു. തമിഴ്നാട്, മഹാരാഷ്ട്ര, ഡൽഹി, ഉത്തർപ്രദേശ് എന്നിവിടങ്ങളിൽ ഞങ്ങൾ ചെയ്തത് പോലെ ഒരുമിച്ച് സ്ഥാനാർത്ഥി പ്രഖ്യാപനം നടത്തേണ്ടതായിരുന്നുവെന്ന് ജയറാം രമേശ് പറഞ്ഞു.
