ലോകത്ത് ഒരു പ്രതിസന്ധി ഉണ്ടാകുമ്പോഴെല്ലാം ആദ്യം പ്രതികരിക്കുന്നത് ഇന്ത്യയാണെണ് പ്രധാനമന്ത്രി നരേന്ദ്രമോദി ഗ്ലോബൽ സൗത്തിലെ ശക്തമായ ശബ്ദമാണ് ഇന്ത്യയെന്നും അദ്ദേഹം പറഞ്ഞു. ന്യൂയോർക്കിൽ ഇന്ത്യൻ സമൂഹത്തോട് സംസാരിക്കുകയായിരുന്നു പ്രധാനമന്ത്രി.
ഇന്ന്, ഇന്ത്യ ഒരു ആഗോള പ്ലാറ്റ്ഫോമിൽ എന്തെങ്കിലും പറയുമ്പോൾ, ലോകം ശ്രദ്ധിക്കുന്നു. കുറച്ച് മുമ്പ് ഇത് യുദ്ധത്തിൻ്റെ കാലഘട്ടമല്ലെന്ന് ഞാൻ പറഞ്ഞപ്പോൾ, അതിൻ്റെ തീവ്രത എല്ലാവർക്കും മനസ്സിലായി,” ലോംഗ് ഐലൻഡിൽ സംഘടിപ്പിച്ച’മോദിയും യുഎസും’ പരിപാടിയിൽ പ്രധാനമന്ത്രി മോദി പറഞ്ഞു.
ഇന്ത്യ സാക്ഷ്യം വഹിച്ച പരിവർത്തനങ്ങളെക്കുറിച്ചും അദ്ദേഹം സംസാരിച്ചു. രാജ്യം അവസരങ്ങൾക്കായി കാത്തിരിക്കുകയല്ല, മറിച്ച് അവ സൃഷ്ടിക്കുകയാണ്. ഇന്ത്യ ഇപ്പോൾ അവസരങ്ങളുടെ നാടാണ്. അത് അവസരങ്ങൾക്കായി കാത്തിരിക്കുന്നില്ല, അവസരങ്ങൾ സൃഷ്ടിക്കുന്നു. കഴിഞ്ഞ 10 വർഷത്തിനുള്ളിൽ ഇന്ത്യ എല്ലാ മേഖലകളിലും അവസരങ്ങളുടെ ലോഞ്ചിംഗ് പാഡുകൾ സൃഷ്ടിച്ചുവെന്നും മോദി പറഞ്ഞു.
ന്യൂയോർക്കിലെ ഇന്ത്യൻ സമൂഹത്തെ അഭിസംബോധന ചെയ്തുകൊണ്ട് പ്രധാനമന്ത്രി മോദി തൻ്റെ പ്രസംഗത്തിനിടയിൽ AI- യ്ക്ക് രണ്ട് പുതിയ അർത്ഥങ്ങൾ നൽകി, “എന്നെ സംബന്ധിച്ചിടത്തോളം AI എന്നാൽ അമേരിക്കൻ ഇന്ത്യക്കാരെയാണ് അർത്ഥമാക്കുന്നത്. ഇതാണ് ഇന്ത്യ-യുഎസ് ബന്ധത്തെ പുതിയ ഉയരത്തിലേക്ക് കൊണ്ടുപോകുന്നത്”, അദ്ദേഹം കൂട്ടിച്ചേർത്തു.
എ ഐയുടെ മറ്റൊരു അർത്ഥം ‘ആസ്പിറേറ്റൽ ഇന്ത്യ’ എന്നാണ്. “ഓരോ അഭിലാഷങ്ങളും പുതിയ നേട്ടങ്ങൾക്ക് ജന്മം നൽകുന്നു, ഓരോ നേട്ടവും ഒരു പുതിയ അഭിലാഷത്തിന് സഹായകമായി മാറുന്നു. ഒരു ദശാബ്ദത്തിനുള്ളിൽ, സമ്പദ്വ്യവസ്ഥയുടെ കാര്യത്തിൽ പത്താം സ്ഥാനത്ത് നിന്ന് ഇന്ത്യ അഞ്ചാം സ്ഥാനത്തേക്ക് ഉയർന്നു. ഇപ്പോൾ, ഓരോ ഇന്ത്യക്കാരനും മൂന്നാമത്തെ വലിയ സമ്പദ്വ്യവസ്ഥ ആവണമെന്ന് ആഗ്രഹിക്കുന്നു”, പ്രധാനമന്ത്രി മോദി പറഞ്ഞു.
ചടങ്ങിൽ പ്രധാനമന്ത്രി മോദിയെ സ്വാഗതം ചെയ്യുമ്പോൾ ഇന്ത്യൻ സമൂഹത്തിലെ അംഗങ്ങൾ ‘മോദി, മോദി’ എന്ന് ആർത്തവിളിച്ചു. “ഭാരത് മാതാ കീ ജയ്” എന്ന് പറഞ്ഞ് അദ്ദേഹം തൻ്റെ പ്രസംഗം ആരംഭിച്ചു, കൂടാതെ “നമസ്തേ” എന്ന വാക്ക് ഇപ്പോൾ ബഹുരാഷ്ട്രമാണെന്നും പറഞ്ഞു
