കുവൈറ്റ് സിറ്റി: കുവൈത്തിൽ ഇനി വാഹന ഉടമസ്ഥാവകാശം കൈമാറുക വളരെ എളുപ്പം. കുവൈറ്റ് സർക്കാരിൻ്റെ ഔദ്യോഗിക ആപ്പായ സഹൽ ആപ്പിൽ ഇതിനുള്ള പുതിയ സേവനം ആരംഭിച്ചതോടെയാണിത്. ഡിജിറ്റൽ സേവനങ്ങളുടെ സൗകര്യവും കാര്യക്ഷമതയും വർധിപ്പിക്കുന്നതിനുള്ള നീക്കത്തിന്റെ ഭാഗമായാണിത്.
വാഹന ഉടമസ്ഥാവകാശം കൈമാറുന്നതിനായി പ്രത്യേകം രൂപകൽപ്പന ചെയ്ത പുതിയ ഇലക്ട്രോണിക് സേവനം സഹൽ ആപ്പ് വഴി അവതരിപ്പിച്ചിരിക്കുകയാണ് കുവൈറ്റിലെ ആഭ്യന്തര മന്ത്രാലയം. വാഹന കൈമാറ്റത്തിനായി ഇനി പേപ്പർവർക്കുകളോ സർക്കാർ ഓഫീസുകളിൽ കയറി ഇറങ്ങുകയോ ചെയ്യേണ്ട ആവശ്യമില്ല. പൂർണമായി ഡിജിറ്റൽ സംവിധാനത്തിലൂടെ ഈ സേവനം ലഭ്യമാകും.
ഇതിനായി ആദ്യം വിൽപ്പനക്കാരനാണ് സഹൽ ആപ്പ് വഴി നടപടിക്രമങ്ങൾ ആരംഭിക്കേണ്ടത്. സ്വന്തം സ്മാർട്ട്ഫോണിൽ നിന്ന് സഹൽ ആപ്പ് ലോഗിൻ ചെയ്ത ശേഷം ‘സേവനങ്ങൾ’ എന്ന മെനുവിലേക്ക് പോയി അവിടെ നിന്ന് ആഭ്യന്തര മന്ത്രാലയം തിരഞ്ഞെടുക്കുക. തുടർന്ന് അതിലെ ട്രാഫിക് സേവനങ്ങൾ സെലക്ട് ചെയ്ത് ട്രാൻസ്ഫർ വെഹിക്കിൾ ഓണർഷിപ്പ്’ എന്നത് തിരഞ്ഞെടുക്കുക. ആപ്പ് ആവശ്യപ്പെടുന്ന പുതിയ ഉടമയുടെ സിവിൽ ഐഡി നമ്പർ, വാഹന വിശദാംശങ്ങൾ തുടങ്ങിയ വിവരങ്ങൾ പൂരിപ്പിക്കുക. എല്ലാ വിവരങ്ങളും ശരിയായി നൽകിയ ശേഷം സബ്ബിറ്റ് ബട്ടൻ അമർത്തുന്നതോടെ വാഹനത്തിൻ്റെ പുതിയ ഉടമയ്ക്ക് സഹൽ ആപ്പിലേക്ക് വാഹന കൈമാറ്റവുമായി ബന്ധപ്പെട്ട നോട്ടിഫിക്കേഷൻ ലഭിക്കും. യുഎഇ പൊതുമാപ്പ്: അപേക്ഷിക്കേണ്ടത് എങ്ങനെ?
തുടർന്നുള്ള നടപടിക്രമങ്ങൾ പൂർത്തിയാക്കേണ്ടത് വാഹനം വാങ്ങുന്ന വ്യക്തിയാണ്. ഇദ്ദേഹത്തിന് സഹൽ ആപ്പിൽ ലഭിച്ച നോട്ടിഫിക്കേഷനിൽ ക്ലിക്ക് ചെയ്ത ശേഷം വാഹനവുമായി ബന്ധപ്പെട്ട് നേരത്തേ വാഹനത്തിന്റെ ആദ്യ ഉടമ നൽകിയ വിശദാംശങ്ങൾ ശ്രദ്ധാപൂർവ്വം അവലോകനം ചെയ്ത ശേഷം അവ ശരിയാണെന്ന് ഉറപ്പുവരുത്തി കൈമാറ്റം അംഗീകരിക്കണം. ഇതിന് ആക്സപ്റ്റ് ബട്ടൻ തെരഞ്ഞെടുക്കണം. ശേഷം ബാധകമായ (ട്രാൻസ്ഫർ ഫീസ് അടച്ച് ആവശ്യമായ ഇൻഷുറൻസ് രേഖ ആപ്പ് വഴി അപ്ലോഡ് ചെയ്യണം. പേയ്മെന്റ്റ് പൂർത്തിയാക്കിയ ശേഷം, വാങ്ങുന്നയാൾ വാഹന കൈമാറ്റത്തിന് ഫൈനൽ
അപ്രൂവൽ നൽകണം. ഇടപാടിന് വാങ്ങുന്നയാൾ അന്തിമ അംഗീകാരം നൽകിയാലുടൻ സഹൽ ആപ്പിൽ വിൽപ്പനക്കാരന് ഇതുമായി ബന്ധപ്പെട്ട സ്ഥിരീകരണ അറിയിപ്പ് ലഭിക്കും. ഇതോടെ വാഹനത്തിന്റെ ഉടമസ്ഥാവകാശ കൈമാറ്റം പൂർത്തിയാവും. ഇതിനു ശേഷം പുതിയ ഉടമയ്ക്ക് ഇപ്പോൾ സഹൽ ആപ്പ് വഴി പുതിയ ഇലക്ട്രോണിക് വാഹന ലൈസൻസ്
