നിരണം: നിരണം ഗ്രാമപ്പഞ്ചായത്തിലെ വടക്കുംഭാഗം രണ്ടാം വാർഡിൽ പാണ്ടിയാം പറമ്പിൽ അബ്ദുൽ റഷീദിന്റെ മകൻ 35-വയസുള്ള മുഹമ്മദ് റിയാസാണ് രണ്ടു വൃക്കകളും തകരാറിലായി ദുഃഖം അനുഭവിക്കുന്നത്. മത്സ്യ വ്യാപാരം ചെയ്യ്ത് കുടുംബം പുലർത്തിയിരുന്ന റിയാസിന് വർഷങ്ങളായി ഷുഗർ ഉണ്ടായിരുന്നതും പിന്നീട് ഇത് വർദ്ദിക്കുകയും രണ്ട് കണ്ണുകളുടെ കാഴ്ചകളും നഷ്ടപ്പെടുകയും ചെയ്തിരുന്നു. ഇരു വൃക്കകളും തകരാറിലായ ഈ യുവാവ് ഇന്ന് ചികിത്സയ്ക്കായി വളരെയേറെ ബുദ്ധിമുട്ടുകയാണ്. ഭാര്യയും മൂന്നു വയസ്സും പത്തു വയസ്സും പ്രായമുള്ള രണ്ട് പിഞ്ചുകുഞ്ഞുങ്ങളും പ്രായമായ മാതാപിതാക്കളെയും സംരക്ഷിക്കേണ്ട ചുമതല മുഹമ്മദ് റിയാസിനുള്ളതായിരുന്നു എന്നാൽ രോഗം ബാധിച്ചതോടു കൂടി ഈ കുടുംബത്തിന്റെ അവസ്ഥ വളരെ ദുരിതപൂർണ്ണമായി മാറി. കണ്ണുകൾക്ക് കാഴ്ചകൾ നഷ്ടപ്പെട്ട കാരണത്താൽ പരസഹായത്തോടു കൂടി മാത്രമേ സഞ്ചരിക്കാൻ കഴിയു . ആഴ്ചയിൽ മൂന്നു തവണ പുഷ്പഗിരി മെഡിക്കൽ കോളേജിൽ ഡയാലിസിസ് നടത്തണം ഒരു വർഷമായി ഇത് തുടർന്നു വരികയാണ്. ഇതിനു തന്നെ ഒരു ഭാരിച്ച തുക വേണ്ടിയിരുന്നു. മുഹമ്മദ് റിയാസിന്റെ കുടുംബം ഇന്ന് ദുരിതങ്ങളുടെ നടുവിലാണ്.
അന്നന്ന് ഉള്ള അന്നത്തിനുള്ള വക കണ്ടെത്തുവാൻ കഴിയാതെ ഇന്ന് ബുദ്ധിമുട്ടുകയാണ്. വാസ യോഗ്യമല്ലാത്ത വീടാണ് മുഹമ്മദ് റിയാസിന്റേത്. നിരണം ഗ്രാമപ്പഞ്ചായത്തിൽ നിന്നും ലൈഫ് ഭവന പദ്ധതി ഉൾപ്പെടുത്തി നാലു ലക്ഷം രൂപ പഞ്ചായത്ത് അനുവദിച്ചിട്ടുണ്ട്. ഈ തുക മുടക്കി ഒരു ചെറിയ വീടിന്റെ പണി തുടങ്ങിയെങ്കിലും ഈ തുകകൊണ്ടാന്നും വീട് പണി പൂർത്തീകരിക്കാൻ കഴിയത്തില്ല. മുഹമ്മദ് റിയാസിന് ജീവിതത്തിലേക്ക് തിരിച്ചു വരണമെങ്കിൽ അടിയന്തരമായി വൃക്കകൾ മാറ്റി വയ്ക്കണം. ഒരു വൃക്ക മാറ്റി വയ്ക്കുന്നതിന് മുപ്പത്തിയഞ്ച് ലക്ഷം രൂപ ചിലവ് വരുമെന്നാണ് ആശുപത്രി അധികൃതർ പറയുന്നത്. ഏതു ഗ്രൂപ്പിൽപ്പെട്ട വൃക്കയും മുഹമ്മദ് റിയാസിന് സ്വീകരിക്കാൻ കഴിയുമെന്ന് തിരുവല്ല പുഷ്പഗിരി മെഡിക്കൽ കോളേജിലെ ഡോക്ടർമാർ പറയുന്നു. എന്നാൽ ഇത്രയും ഭീമമാകുന്ന തുക കണ്ടെത്താൻ കഴിയാതെ ദുരിതമനുഭവിക്കുകയാണ് മുഹമ്മദ് റിയാസിന്റെ കുടുംബം . സുമനസ്സുകൾ കനിയണമെന്ന അപേക്ഷയാണ് ഈ കുടുംബത്തിനുള്ളത്.
വിലാസം: മുഹമ്മദ് റിയാസ് പാണ്ടിയാം പറമ്പിൽ നിരണം നോർത്ത് പി.ഒ തിരുവല്ല പത്തനംതിട്ട ജില്ല .
ബാങ്ക് വിലാസം: Riyas
G pay No : 9995443052.
A/c No: 12420100079280
FEDERAL BANK Branch : Nedumpuram TVAL.
IFSC : FDRL0001242.
