എഡിജിപി എംആർ അജിത് കുമാറിനെതിരായ വിജിലൻസ് അന്വേഷണത്തിൽ പ്രാഥമിക പരിശോധന ഇന്ന് തുടങ്ങും. എസ്പി ജോണി കുട്ടിയുടെ നേതൃത്വത്തിലുള്ള പൊലീസ് സംഘം പരാതിയിൽ വിവരശേഖരണം നടത്തും. അനധികൃത സ്വത്ത് സമ്പാദനം അടക്കം നിരവധി ആരോപണങ്ങൾ ആണ് എഡിജിപികെതിരെ പി വി അൻവർ എംഎൽഎ ഉന്നയിച്ചിട്ടുള്ളത്.
പ്രാഥമിക അന്വേഷണ റിപ്പോർട്ട് ആറു മാസത്തിനുള്ളിൽ സമർപ്പിക്കണം എന്നാണ് നിർദേശം. ആരോപണങ്ങളിൽ കഴമ്പ് ഉണ്ടെങ്കിൽ മാത്രമേ കേസ് എടുത്തു കൂടുതൽ അന്വേഷണത്തിലേക്ക് വിജിലൻസ് കടക്കൂ.
ആരോപണവിധേയനെ അതേ സ്ഥാനത്തിരുത്തിയുള്ള തട്ടിക്കൂട്ട് അന്വേഷണമെന്ന പ്രതിപക്ഷ ആരോപണം, സ്വര്ണക്കടത്ത് സംഘത്തില് നിന്നും അജിത്ത് കുമാര് പണം വാങ്ങുന്നെന്ന അന്വേഷണ പരിധിയിലുള്ള ആരോപണം തള്ളിക്കൊണ്ടുള്ള മുഖ്യമന്ത്രിയുടെ പ്രസ്മീറ്റ്, വെല്ലുവിളികള് നിറഞ്ഞ അന്വേഷണമാണ് വിജിലന്സ് ഇന്നു മുതല് ആരംഭിക്കുന്നത്. അതും സംസ്ഥാനത്തെ ക്രമസമാധാന ചുമതലയുള്ള എഡിജിപി എന്ന ഉയര്ന്ന സ്ഥാനത്തിരിക്കുന്ന ഉദ്യോഗസ്ഥനെതിരെ താരതമ്യേന ജൂനിയറായ എസ്.പിയാണ് അന്വേഷണം നടത്തുന്നത്. പൊലീസിലെ ഏറ്റവും ഉയര്ന്ന ശ്രേണിയിലുള്ള ഉദ്യോഗസ്ഥനെ എസ്.പി. റാങ്കിലുള്ള ഉദ്യോഗസ്ഥന് എങ്ങനെ ചോദ്യം ചെയ്യുമെന്നു പേലും പൊലീസില് ഇപ്പോള് ചര്ച്ചാ വിഷയമാണ്. സാധ്യതകള് വിജിലന്സിനു ഏറെയുണ്ട്.
പരിശോധനയില് തെളിവു കണ്ടെത്തിയാല് സ്ഥാനത്തുനിന്നു മാറ്റി നിര്ത്താന് അജിത് കുമാറിനെ സ്ഥാനത്തു നിന്നും മാറ്റി നിര്ത്താന് വിജിലന്സിനു ആവശ്യപ്പെടാം. എന്നാല് അത്ര റിസ്ക് എടുത്തുള്ള അന്വേഷണത്തിലേക്കും ശുപാര്ശയിലേക്കും വിജിലന്സ് പോകുമോയെന്നാണ് അറിയേണ്ടത്. എസ്.പി, കെ.എല്. ജോണ്കുട്ടിയാണ് പ്രത്യേക അന്വേഷണ സംഘ തലവന്. ഡി.വൈ.എസ്.പി ഷിബു പാപ്പച്ചന്, ഇന്സ്പെക്ടര്മാരായ കെ.വി.അഭിലാഷ്, കിരണ് എന്നിവര് സംഘത്തിലുണ്ട്.
അതിനിടെ സ്വർണക്കടത്ത് സംഘവുമായി ചേർന്ന് പൊലീസിനെതിരെ ഗൂഢാലോചന നടന്നെന്ന് ഇന്റലിജൻസ് റിപ്പോർട്ട് പുറത്തുവന്നു. പി വി അൻവർ എംഎൽഎയുടെ ആരോപണങ്ങൾക്ക് പിന്നാലെ സ്വർണ്ണക്കടത്ത് സംഘവുമായി ചേർന്ന് ചിലർ പൊലീസിനെതിരെ ഗൂഢാലോചന നടത്തിയത്. ആരോപങ്ങൾക്ക് പിന്നിൽ സ്വർണക്കടത്ത് സംഘമെന്നാണ് നിഗമനം.
