ഇന്ത്യൻ സിനിമ ലോകത്ത് മാത്രമല്ല, ഫാഷൻ ലോകത്തും മിന്നുന്ന താരമാണ് ദീപിക പദുകോൺ ഫാഷൻ സെൻസിന്റെ കാര്യത്തിൽ പൊതു വേദികളിൽ വൻ സ്വീകാര്യതയാണ് താരത്തിനുള്ളത്. അഭിനയത്തിനന്റെ കാര്യത്തിൽ ദീപിക നേടുന്ന കൈയ്യടി, ഫാഷൻ ലോകത്തും നേടാറുണ്ട്. കൂടാതെ ഓൺ സ്ക്രീനിലെ പ്രകടനങ്ങൾ പോലെ തന്നെ ദീപികയുടെ ഓഫ് സ്ക്രീൻ ജീവിതവും എന്നും വാർത്തകളിൽ ഇടം നേടാറുണ്ട്. ദീപികയുടെ പ്രണയങ്ങളും പ്രണയ തകർച്ചകളുമൊക്കെ ഗോസിപ്പ് കോളങ്ങളിൽ നിറഞ്ഞിട്ടുണ്ട്.
ഒരുകാലത്ത് ജനപ്രിയ ജോഡിയായിരുന്നു രൺബീർ കപൂറും ദീപിക പദുക്കോണും. മോശം അവസ്ഥയിലായിരുന്നു ഇരുവരും വേർപിരിഞ്ഞത്. വർഷങ്ങൾക്കിപ്പുറം ഇരുവരും വളരെ അടുത്ത സുഹൃത്തുക്കളായി മാറി. ഇപ്പോഴിതാ ഇരുവരും ഒരുമിച്ചെത്തിയ ഒരു പരിപാടിയിൽ നിന്നുള്ള വീഡിയോ സോഷ്യൽ മീഡഡിയയിൽ വൈറലാവുകയാണ്. രൺബീറും ദീപികയും പ്രണയത്തിലായിരുന്ന സമയത്തെ വീഡിയോയാണിത്.
എപ്പോഴാണ് ആദ്യത്തെ ചുംബനം എന്നാണ് താരങ്ങളോട് ചോദിക്കുന്നത്. ഇതിന് രൺബീർ നൽകിയ മറുപടി സ്കൂളിൽ പഠിക്കുമ്പോൾ എന്നായിരുന്നു. ആരായിരുന്നു, ടീച്ചർ ആയിരുന്നുവോ എന്ന് ദീപിക തിരിച്ച് ചോദിക്കുന്നുമുണ്ട്. പിന്നാലെ ഇതേ ചോദ്യം ദീപികയോടായി ചോദിക്കുകയാണ്. ഉടനെ തന്നെ രൺബീർ ഇടപെടുകയും ദീപിക ആരേയും ചുംബിച്ചിട്ടില്ലെന്ന് പറയുകയും ചെയ്യുകയാണ്.
എന്നാൽ ദീപിക രൺബീറിന് നേരെ വിരൽ ചൂണ്ടുകയായിരുന്നു. താൻ ആദ്യമായി ചംബിച്ചത് രൺബീറിനെ ആണെന്ന തരത്തിലായിരുന്നു ദീപികയുടെ മറുപടി. ഈ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. ദീപിക നുണ പറയുകയാണെന്നാണ് വീഡിയോയ്ക്ക് ഭൂരിഭാഗം പേരും കമന്റ് ചെയ്യുന്നത്. അതേസമയം ഇവയൊക്കെ അവരുടെ സ്വാകര്യതയിൽപ്പെടുന്നതാണെന്നും അഭിപ്രായം പറയേണ്ട ആവശ്യമില്ലെന്നുമാണ് ഒരുവിഭാഗത്തിന്റെ അഭിപ്രായം.
രൺബീറുമായുള്ള പ്രണയ തകർച്ചയ്ക്ക് ശേഷമാണ് ദീപിക രൺവീർ സിംഗുമായി പ്രണയത്തിലാകുന്നതും വിവാഹം കഴിക്കുന്നതുമെല്ലാം. സഞ്ജയ് ലീല ബൻസാലിയുടെ രാം ലീല എന്ന ചിത്രത്തിന്റെ സെറ്റിൽ വെച്ചാണ് ദീപിക പദുക്കോണും രൺവീർ സിംഗും പ്രണയത്തിലാകുന്നത്. ആറ് വർഷം നീണ്ട പ്രണയത്തിനൊടുവിൽ 2018ൽ ഇരുവരും വിവാഹിതരാവുകയും ചെയ്തു.
രൺബീർ പിന്നീട് കത്രീന കൈഫുമായി പ്രണയത്തിലായി. എന്നാൽ ആ ബന്ധവും പിന്നീട് അവസാനിക്കുകയായിരുന്നു. തുടർന്നാണ് രൺബീർ കപൂർ ആലിയ ഭട്ടുമായി പ്രണയത്തിലാകുന്നത്. ഇരുവരും വിവാഹം കഴിക്കുകയും ഒരു കുഞ്ഞിന് ജന്മം നൽകുകയും ചെയ്തു.
