കൊല്ലത്ത് 50 ഗ്രാം എം ഡി എം എ യുമായി യുവതിയും യുവാവും പിടിയിൽ. ഓണവിപണി ലക്ഷ്യം ഇട്ടാണ് എംഡിഎംഐ എത്തിച്ചത് എന്നാണ് പ്രാഥമിക നിഗമനം.
ഡാൻസഫ് സംഘവും വെസ്റ്റ് പോലീസും നടത്തിയ പരിശോധനയിൽ ആണ് ലഹരി മരുന്നുമായി ഇരുവരെയും അറസ്റ്റ് ചെയ്തത്.
എറണാകുളം വൈപ്പിൻ സ്വദേശി ആര്യ, കൊല്ലം മാടൻനട സ്വദേശി റജി എന്നിവരാണ് പോലീസിന്റെ പിടിയിലായത്. ജില്ലയിലേക്ക് മാരക രാസലഹരി വസ്തുക്കൾ കടത്തുന്നുവെന്ന് പോലീസിന് രഹസ്യ വിവരം ലഭിച്ചിരുന്നു.
ഇതിൻ്റെ അടിസ്ഥാനത്തിൽ ലോക്കൽ പോലീസും സിറ്റി പോലീസ് ഡാന്സാഫ് ടീമും പരിശോധന ശക്തം ആക്കിയിരുന്നു.
കഴിഞ്ഞ ദിവസം രാത്രിയാണ് രാമൻകുളങ്ങരയ്ക്ക് സമീപത്ത് നിന്നും വാഹന പരിശോധനയ്ക്ക് ഇടെ പ്രതികളെ പിടികൂടിയത്.
കൊച്ചിയിൽ നിന്ന് ഇവർ യാത്ര ചെയ്തു വന്ന കാർ പരിശോധിച്ചതിൽ നിന്നും 50 ഗ്രാം MDMA കണ്ടെത്തി.
ഇവർ സഞ്ചരിച്ചിരുന്ന കാറും പോലീസ് കസ്റ്റഡിയിലെടുത്തു.
റെജി നേരത്തേയും സമാനകേസുകളിൽ പിടിയിലായിട്ടുള്ള ആളാണ് എന്ന് പോലീസ് അറിയിച്ചു.
പിടിയിലായവർ പതിവായി എം.ഡി.എം.എ വിൽപന നടത്തുന്നവരാണ് എന്നും കണ്ടെത്തി.
