രാജ്യാന്തര വിപണിയിൽ സ്വർണ വിലയിൽ കാര്യമായ മാറ്റങ്ങളില്ലാതെയാണ് കഴിഞ്ഞ വ്യാപാര ആഴ്ച കടന്നുപോയത്. അമേരിക്കൻ കേന്ദ്ര ബാങ്കായ ഫെഡറൽ റിസർവിന്റെ ഇനിയുള്ള ധനനയ യോഗങ്ങളിൽ പലിശ നിരക്ക് വർധന പരിമിതപ്പെടുത്തിയേക്കുമെന്ന നിഗമനങ്ങൾ ഒരു വശത്ത് പിന്തുണയേകുമ്പോൾ, പണപ്പെരുപ്പവും ഉയർന്ന പലിശ നിരക്കും കാരണം നേരിടാവുന്ന സാമ്പത്തിക മാന്ദ്യ ആശങ്കകൾ മറുവശത്ത് പ്രതികൂല സ്വാധീനവും നടത്തുന്നതാണ് സ്വർണത്തെ തളച്ചിടുന്നത്
അതേസമയം ടെക്നിക്കൽ അനാലിസിസ് പ്രകാരം, ഡെറിവേറ്റീവ് വിപണിയിൽ ഗോൾഡ് ഫ്യൂച്ചർസ് കോൺട്രാക്ടിൽ ടെക്നിക്കൽ മൊമന്റം കാണപ്പെടുന്നുണ്ട്. എന്നിരുന്നാലും നിർണായകമായ പ്രതിരോധ മേഖലയായ 1,980 ഡോളർ നിലവാരം ഈയാഴ്ച മറികടക്കാൻ സാധ്യതയില്ലെന്നാണ് വിപണി വിദഗ്ധർ സൂചിപ്പിക്കുന്നത്. കഴിഞ്ഞയാഴ്ചത്തെ വ്യാപാരത്തിനൊടുവിൽ ഡിസംബർ എക്സ്പയറിയുള്ള ഗോൾഡ് ഫ്യൂച്ചർസ് 1,945.60 ഡോളറിലാണ് വ്യാപാരം അവസാനിപ്പിച്ചത്.
കേരളത്തിലെ നിരക്ക്
സംസ്ഥാനത്തെ ആഭരണ വിപണിയിൽ ഇന്ന് സ്വർണ നിരക്കുകളിൽ മാറ്റമില്ല. 22 കാരറ്റ് പരിശുദ്ധിയുള്ള ഒരു പവൻ സ്വർണത്തിന് (8 ഗ്രാം) 43,920 രൂപയാണ് നിരക്ക് രേഖപ്പെടുത്തിയത്. ഒരു ഗ്രാം സ്വർണത്തിന് 5,490 രൂപയുമാകുന്നു. കഴിഞ്ഞ ദിവസവും ഒരു പവൻ സ്വർണത്തിന് ഇതേ വിലയാണ് കുറിച്ചത്.
അതേസമയം സെപ്റ്റംബർ മാസക്കാലയളവിൽ ഒരു പവൻ സ്വർണത്തിൽ രേഖപ്പെടുത്തിയ ഉയർന്ന വില 44,240 രൂപയാണ്. സെപ്റ്റംബർ 4നായിരുന്നു. ഈ മാസത്തിനിടെ സ്വർണത്തിൽ കുറിച്ച ഏറ്റവും താഴ്ന്ന വിലനിലവാരം 43,600 രൂപയാകുന്നു. 13, 14 തീയതികളിലായിരുന്നു ഈ നിരക്ക് രേഖപ്പെടുത്തിയത്.
വെള്ളി നിരക്ക്
കേരളത്തിൽ വെള്ളി നിരക്കുകളിൽ ഇന്ന് വർധന. ഒരു ഗ്രാമിന് 0.70 രൂപയാണ് കൂടിയത്. ഇതോടെ സംസ്ഥാനത്ത് ഒരു ഗ്രാം വെള്ളിയുടെ വില 78.20 രൂപയായി ഉയർന്നു. 8 ഗ്രാം വെള്ളിക്ക് 625.50 രൂപയും 10 ഗ്രാം വെള്ളിയുടെ നിരക്ക് 782 രൂപയും 100 ഗ്രാം വെള്ളിയുടെ വില 7,820 രൂപയും ഒരു കിലോഗ്രാം വെള്ളിക്ക് 78,200 രൂപയുമായും രേഖപ്പെടുത്തി. ഇന്നലെ ഒരു ഗ്രാം വെള്ളിക്ക് 77.50 രൂപയായിരുന്നു നിരക്ക്.
