പൊതുനന്മയ്ക്ക് തിരഞ്ഞെടുത്ത വഴികൾക്കായി ജയിലിൽ പോകാനും തയ്യാറാവണമെന്ന് ആം ആദ്മി പാർട്ടി പ്രവർത്തകരോട് ഡൽഹി മുഖ്യമന്ത്രി അരവിന്ദ് കെജ്രിവാൾ ജനങ്ങൾക്കിടയിൽ ജനപ്രീതിയും സ്വീകാര്യതയും നേടിയത് “ജനകേന്ദ്രീകൃത”, “ജോലി കേന്ദ്രീകൃത” രാഷ്ട്രീയത്തിലൂടെയാണെന്നും അരവിന്ദ് കെജ്രിവാൾ പറഞ്ഞു. ദേശീയ കൗൺസിൽ യോഗങ്ങളിൽ പാർട്ടി നേതാക്കളെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്. ഡൽഹി മദ്യനയ കുംഭകോണവുമായി ബന്ധപ്പെട്ട കേസുകളിൽ ജയിലിൽ കഴിയുന്ന അഞ്ച് പാർട്ടി നേതാക്കളെ കുറിച്ച് തനിക്ക് അഭിമാനമുണ്ടെന്ന് എഎപി മേധാവി പറഞ്ഞു. കുട്ടികൾക്ക് നല്ല വിദ്യാഭ്യാസം നൽകണമെന്നും പാവപ്പെട്ടവരെ സൗജന്യമായി ചികിത്സിക്കുന്നതിനെക്കുറിച്ചും നിങ്ങൾ സംസാരിച്ചാൽ നിങ്ങൾ ജയിലിൽ പോകേണ്ടിവരുമെന്നും ഞങ്ങൾ അതിന് തയ്യാറാണെന്നും കെജ്രിവാൾ പറഞ്ഞു.
ഡൽഹി എക്സൈസ് നയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ജനുവരി മൂന്നിന് കേന്ദ്ര ഏജൻസിക്ക് മുന്നിൽ ഹാജരാകാൻ എൻഫോഴ്സ്മെന്റ് ഡയറക്ടറേറ്റ് (ഇഡി) സമൻസ് അയച്ച സാഹചര്യത്തിലാണ് ഡൽഹി മുഖ്യമന്ത്രിയുടെ പരാമർശം. “ഞങ്ങൾ ഒരു സമരത്തെ അഭിമുഖീകരിക്കുകയാണെന്ന് ഞാൻ കരുതുന്നു. പക്ഷേ സങ്കടപ്പെടേണ്ട ആവശ്യമില്ല. ഇന്ന് ജയിലിൽ കഴിയുന്ന അഞ്ച് നേതാക്കളാണ് ഞങ്ങളുടെ ഹീറോകൾ. അവരെക്കുറിച്ച് ഞങ്ങൾ വളരെ അഭിമാനിക്കുന്നു,” കെജ്രിവാൾ പറഞ്ഞു. അഭിഭാഷകരുമായി താൻ തുടർച്ചയായി ബന്ധപ്പെടുന്നുണ്ടെന്നും അദ്ദേഹം പറഞ്ഞു. ജയിലിൽ കഴിയുമ്പോഴും നമ്മുടെ എല്ലാ നേതാക്കൻമാരുടെയും ഊർജം ഉയർന്നതാണ് എന്നത് വളരെ നല്ല കാര്യമാണെന്നും മുഖ്യമന്ത്രി വ്യക്തമാക്കി.
മറ്റ് പാർട്ടികളൊന്നും ശ്രദ്ധിക്കാത്ത കാര്യങ്ങളിൽ ശ്രദ്ധ കേന്ദ്രീകരിച്ചതിനാൽ ഏതാനും വർഷങ്ങൾക്കുള്ളിൽ തന്റെ പാർട്ടി രാഷ്ട്രീയത്തിൽ ഉയർന്നുവെന്ന് എഎപി മേധാവി അഭിപ്രായപ്പെട്ടു. “വിദ്യാഭ്യാസം, ആരോഗ്യം, വൈദ്യുതി, വിലക്കയറ്റം, തൊഴിൽ എന്നിവയെക്കുറിച്ച് ഞങ്ങൾ സംസാരിച്ചുതുടങ്ങി, ഇത് മറ്റൊരു പാർട്ടിയും ചെയ്തിട്ടില്ല. ജോലിയുടെ രാഷ്ട്രീയം ആളുകൾ ഇഷ്ടപ്പെട്ടു തുടങ്ങി, ”അദ്ദേഹം പറഞ്ഞു. ഞങ്ങൾ വിജയിച്ചില്ലെങ്കിൽ നല്ലതൊന്നും ചെയ്തില്ലെങ്കിൽ ഞങ്ങളുടെ പാർട്ടി നേതാക്കളാരും ജയിലിൽ പോകില്ലായിരുന്നുവെന്നും എല്ലാവരും ഇന്ന് കുടുംബത്തോടൊപ്പം സന്തോഷത്തോടെ കഴിയുമായിരുന്നുവെന്നും അദ്ദേഹം കൂട്ടിച്ചേർത്തു.
ജനുവരി മൂന്നിന് ഏജൻസിക്ക് മുന്നിൽ ഹാജരാകാൻ ആവശ്യപ്പെട്ട് ഡിസംബർ 22നാണ് ഇഡി കെജ്രിവാളിന് മൂന്നാമത്തെ സമൻസ് അയച്ചത്. മുമ്പത്തെ രണ്ട് സമൻസുകളും അദ്ദേഹം ഒഴിവാക്കിയിരുന്നു. ഡിസംബര് 21 ന് ഹാജരാകാന് ആവശ്യപ്പെട്ട് കേന്ദ്ര ഏജന്സി ഡിസംബര് 18 ന് രണ്ടാമത്തെ സമന്സ് അയച്ചിരുന്നു. എന്നാല് ഉദ്യോഗസ്ഥര്ക്ക് മുന്നില് ഹാജരാകേണ്ടതില്ലെന്ന് തീരുമാനിച്ച അദ്ദേഹം 10 ദിവസത്തെ വിപാസന ധ്യാന ക്യാമ്പിലേക്ക് പോയി. പരിപാടി നേരത്തെ നിശ്ചയിച്ചതാണെന്ന വാദമാണ് അദ്ദേഹം ഉയര്ത്തിയത്. സമന്സുകളെ ‘നിയമവിരുദ്ധവും’ ‘രാഷ്ട്രീയ പ്രേരിതവും’ എന്നും അദ്ദേഹം വിശേഷിപ്പിച്ചു.
