മലൈക അറോറയുമായുള്ള വിവാഹബന്ധം വേർപ്പെടുത്തിയ അർബാസ് ഖാൻ അടുത്തിടെ വീണ്ടും വിവാഹിതനായിരുന്നു. മേക്കപ്പ് ആർട്ടിസ്റ്റായ ഷൂറാ ഖാനാണ് വധു. ഏതാണ്ട് 500 കോടിയിലേറെ ആസ്തിയുള്ള ഒരു സാമ്രാജ്യം തന്നെ അർബാസ് ഖാൻ കെട്ടിപ്പടുത്തിട്ടുണ്ട്.
ബോളിവുഡിന്റെ സ്വന്തം ഭായി ജാൻ സൽമാന്റെയും സൊഹൈൽ ഖാന്റെയും സഹോദരൻ, ബോളിവുഡിലെ പ്രശസ്ത എഴുത്തുകാരനായ സലിം ഖാന്റെയും സുശീല ചരകിന്റേയും മകൻ- കുടുംബാംഗങ്ങൾ സമ്മാനിക്കുന്ന മേൽവിലാസത്തിനപ്പുറം ബോളിവുഡിൽ സ്വന്തമായൊരു മേൽവിലാസം സൃഷ്ടിച്ചെടുത്ത നടനാണ് അർബാസ് ഖാൻ.
മലയാളി പ്രേക്ഷകർക്കും സുപരിചിതനാണ് അർബാസ്. സിദ്ദിഖിന്റെ ‘ബിഗ് ബ്രദർ’ എന്ന മലയാള ചിത്രത്തിൽ പ്രതിനായകവേഷം ചെയ്തത് അർബാസ് ഖാനായിരുന്നു. വേദാന്തം ഐപിഎസ് എന്ന കഥാപാത്രത്തെയാണ് അർബാസ് അവതരിപ്പിച്ചത്. ചിത്രത്തിൽ അർബാസ് ഖാന് ശബ്ദം നൽകിയത് നടൻ വിനീത് ആയിരുന്നു
മലൈക അറോറയുമായുള്ള വിവാഹബന്ധം വേർപ്പെടുത്തിയ അർബാസ് ഖാൻ അടുത്തിടെ പുനർവിവാഹിതനായി. മേക്കപ്പ് ആർട്ടിസ്റ്റായ ഷൂറാ ഖാനാണ് വധു. കുറച്ചുനാളുകളായി അർബാനും ഷൂറാ ഖാനും പ്രണയത്തിലായിരുന്നു എന്നാണ് റിപ്പോർട്ട്.
2023 ഡിസംബർ 24ന് മുംബൈയിലെ അർപിത ഖാൻ ശർമ്മയുടെയും ആയുഷ് ശർമ്മയുടെയും വസതിയിൽ വച്ചാണ് സ്വകാര്യ ചടങ്ങ് നടന്നത്.
ഏതാണ്ട് 500 കോടിയിലേറെ ആസ്തിയുള്ള ഒരു സാമ്രാജ്യം തന്നെ അർബാസ് ഖാൻ കെട്ടിപ്പടുത്തിട്ടുണ്ട്. അഭിനയം, നിർമ്മാണം, സംവിധാനം എന്നീ രംഗങ്ങളിലെല്ലാം അർബാസ് വ്യക്തിമുദ്ര പതിപ്പിച്ചു കഴിഞ്ഞു. സ്വന്തമായൊരു പ്രൊഡക്ഷൻ ഹൗസ് കൂടാതെ ആഢംബര കാറുകളുടെ ഒരു നിരയും അർബാസിന്റെ കളക്ഷനിലുണ്ട്.
1996-ൽ ‘ദരാർ’ എന്ന ചിത്രത്തിലൂടെയാണ് അർബാസ് അരങ്ങേറ്റം കുറിച്ചത്. അർബാസ് പിന്നീട് ദക്ഷിണേന്ത്യൻ സിനിമയിലേക്കും ചുവടുവയ്ക്കുകയും സിനിമകൾ സംവിധാനം ചെയ്യുകയും ദബാംഗ് സീരീസ് പോലുള്ള ബ്ലോക്ക്ബസ്റ്റർ ഹിറ്റുകൾ നിർമ്മിക്കുകയും ചെയ്തതിനാൽ ആ സ്വാധീനം ബോളിവുഡിന്റെ അതിർത്തികൾക്കപ്പുറത്തേക്ക് വ്യാപിക്കുന്നു.
പ്യാർ കിയാ തോ ഡർണാ ക്യാ, ഹൽചൽ, ഷൂട്ടൗട്ട് അറ്റ് ലോഖണ്ഡ്വാല, ദബാംഗ്, ഫാഷൻ എന്നിങ്ങനെ ഒന്നിലധികം ബ്ലോക്ക്ബസ്റ്റർ ചിത്രങ്ങളിലൂടെ ശ്രദ്ധേയനായ അർബാസ് ഖാൻ വിനോദ വ്യവസായത്തിൽ സുസ്ഥിരമായ പേരാണ്. 2019ൽ, ZEE5ന്റെ ക്രൈം ത്രില്ലർ നാടകമായ ‘പോയിസൺ’ ചെയ്തുകൊണ്ടു ഡിജിറ്റൽ മേഖലയിലും താരം അരങ്ങേറ്റം കുറിച്ചു.
2010 ൽ അർബാസ് ഖാൻ തന്റെ പ്രൊഡക്ഷൻ ഹൗസായ അർബാസ് ഖാൻ പ്രൊഡക്ഷൻസ് സ്ഥാപിച്ചു. അർബാസ് ഖാൻ പ്രൊഡക്ഷൻസ് നിർമ്മിച്ച സൽമാൻ ഖാനും സോനാക്ഷി സിൻഹയും അഭിനയിച്ച ദബാംഗ് വൻ വിജയമായി. ഡോളി കി ഡോളി, ദബാംഗ് ഫ്രാഞ്ചൈസിയുടെ തുടർച്ചകൾ എന്നിവയ്ക്കും അർബാസ് പിന്തുണ നൽകി.
2010ൽ സൽമാൻ ഖാന്റെ ദബാംഗ് എന്ന ചിത്രത്തിന്റെ അഭൂതപൂർവമായ വിജയത്തിൽ നിന്ന് പ്രചോദനം ഉൾക്കൊണ്ട്, അർബാസ് ഖാൻ ദബാംഗ് 2 (2012) സംവിധാനം ചെയ്തു കൊണ്ട് സംവിധായകന്റെ റോളിലേക്കും ചുവടുവച്ചു. ഈ ചിത്രം വിജയകരമാവുകയും വിജയകരമായ സംവിധായകൻ-നിർമ്മാതാവ് എന്ന നിലയിലുള്ള തന്റെ സ്ഥാനം ഉറപ്പിക്കുകയും ചെയ്തു
ബോളിവുഡ് സെലിബ്രിറ്റികളുടെ എക്സ്ക്ലൂസീവ് ലീഗിൽ ചേർന്ന അർബാസ് ഖാൻ ഒരു ലാൻഡ് റോവർ റേഞ്ച് റോവർ വോഗ് സ്വന്തമാക്കി. 3.0 ലിറ്റർ V6 ഡീസൽ എഞ്ചിനുള്ള ഈ ആഡംബര വാഹനത്തിന് ഇന്ത്യൻ വിപണിയിൽ 2.39 കോടി മുതൽ 3.52 കോടി രൂപ വരെയാണ് വില.
ആഡംബരത്തോടുള്ള അർബാസിന്റെ ഇഷ്ടം പേരുകേട്ടതാണ്. താരത്തിന്റെ കൈവശം ഒരു ബിഎംഡബ്ല്യു 7 സീരീസ് ഉണ്ട്. ഇന്ത്യയിൽ 1.42 കോടി മുതൽ 1.76 കോടി രൂപ വരെയാണ് ഇതിന്റെ വില
ബിഎംഡബ്ല്യു, റേഞ്ച് റോവർ എന്നിവയ്ക്ക് പുറമെ ടൊയോട്ട ലാൻഡ് ക്രൂയിസറും അർബാൻ സ്വന്തമാക്കിയിട്ടുണ്ട്.
