മുംബൈയിലെ ഘാട്കോപ്പർ ഏരിയയിലെ കൂറ്റൻ പരസ്യബോർഡ് പ്രെട്രോൾ പമ്പിലേക്ക് വീണ് കുറഞ്ഞത് എട്ട് പേർ മരിക്കുകയും 60 പേർക്ക് പരിക്കേൽക്കുകയും ചെയ്തു. ശക്തമായ പൊടിക്കാറ്റും കനത്ത മഴയും നഗരത്തിൽ നാശം വിതച്ചതിനെ തുടർന്നാണ് സംഭവം
പന്ത്നഗറിലെ ഈസ്റ്റേൺ എക്സ്പ്രസ് ഹൈവേയിലെ പോലീസ് ഗ്രൗണ്ട് ഇന്ധന സ്റ്റേഷനിലാണ് സംഭവം
ദേശീയ ദുരന്ത നിവാരണ സേനാ സംഘം രക്ഷാപ്രവർത്തനത്തിൽ പങ്കെടുത്തതായി ബ്രിഹൻമുംബൈ മുനിസിപ്പൽ കോർപ്പറേഷൻ കമ്മീഷണർ ഭൂഷൺ ഗഗ്രാനി (ബിഎംസി) വാർത്താ ഏജൻസിയായ പിടിഐയോട് പറഞ്ഞു.
പരിക്കേറ്റവരെ ഉടൻ തന്നെ രാജവാഡി ആശുപത്രിയിൽ പ്രവേശിപ്പിച്ചതായി ഉദ്യോഗസ്ഥർ പറഞ്ഞു.
സംഭവത്തിൽ സ്ഥലത്ത് ഹോർഡിംഗ് സ്ഥാപിച്ച ഏജൻസിക്ക് അധികൃതർ നോട്ടീസ് നൽകി. പരമാവധി 40×40 ചതുരശ്ര അടി വലിപ്പം കൈവശം വയ്ക്കാനാണ് അനുവദി നൽകിയിട്ടുള്ളതെന്ന് കോർപ്പറേഷൻ പ്രസ്താവനയിൽ പറഞ്ഞു. പക്ഷേ തകർന്ന് വീണത് 120×120 ചതുരശ്ര അടി വലിപ്പമുള്ള അനധികൃതമായി സ്ഥാപിച്ച ഹോർഡിങ്ങ്സ് ആണ്.
മോശം കാലാവസ്ഥയും പൊടിക്കാറ്റും കാരണം, മുംബൈ വിമാനത്താവളത്തിൽ ഒരു മണിക്കൂറോളം വിമാന പ്രവർത്തനങ്ങൾ താൽക്കാലികമായി നിർത്തിവച്ചു. ഇത് കുറഞ്ഞത് 15 വിമാനങ്ങൾ വഴിതിരിച്ചുവിടാൻ കാരണമായി
