ബിഹാറിലെ പാലിഗഞ്ചിൽ രാഹുൽ ഗാന്ധിയുടെ റാലിക്കായി ഒരുക്കിയ വേദിയുടെ ഒരു ഭാഗം തകർന്നു. രാഹുൽ ഗാന്ധി, തേജസ്വി യാദവ് ഉൾപ്പെടെയുള്ള പ്രമുഖ പാർട്ടി നേതാക്കൾ സ്റ്റേജിൽ നിൽക്കുന്നതിനിടെയാണ് സ്റ്റേജ് ഭാഗികമായി തകർന്നത്. രാഹുൽ ഗാന്ധി സ്റ്റേജിൽ കയറിയ ശേഷം നിമിഷങ്ങൾക്കുള്ളിൽ തന്നെ സ്റ്റേജ് തകർന്നു. ആദ്യം തകർന്ന സ്റ്റേജ് വീണ്ടും ചെറുതായി തകരുന്നതും വീഡിയോയിൽ കാണാം. സംഭവത്തിൽ ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ല. എല്ലാവരുടെയും സുരക്ഷ ഉറപ്പാക്കിയ ശേഷം നേതാക്കൾ റാലി തുടർന്നു. വരാനിരിക്കുന്ന തിരഞ്ഞെടുപ്പിനുള്ള പിന്തുണ നേടുകയെന്ന ലക്ഷ്യത്തോടെ ബിഹാറിൽ കോൺഗ്രസ് നടത്തുന്ന പ്രചാരണത്തിൻ്റെ ഭാഗമായിരുന്നു റാലി.
