പെരുമ്പാവൂരിൽ നിയമ വിദ്യാർഥിനിയെ ബലാത്സംഗം ചെയ്ത് ക്രൂരമായി കൊലപ്പെടുത്തിയ കേസിൽ പ്രതി അമീറുൽ ഇസ്ലാമിന്റെ വധശിക്ഷ ഹൈക്കോടതിയും ശരിവെച്ചതോടെ പ്രതിഭാഗം സുപ്രീംകോടതിയിലേക്ക്. മേൽക്കോടതിയെ സമീപിക്കാൻ പ്രതിയുടെ കുടുംബം ആവശ്യപ്പെട്ടിട്ടുണ്ടെന്ന് അഡ്വ. ബി.എ.ആളൂർ വ്യക്തമാക്കി. ശിക്ഷയ്ക്കെതിരെ സുപ്രീം കോടതിയെ നിരപരാധിയായ ഒരാളെ രക്ഷിക്കാൻ സാധിച്ചില്ലല്ലോ എന്ന വേദനയാണു തനിക്കുള്ളത്. മറ്റാരോ കുറ്റം ചെയ്തിട്ട് അത് അന്വേഷിക്കാതെ അമീറുലിലേക്കു കേസ് അന്വേഷണം ചുരുക്കുകയായിരുന്നു അന്നത്തെ അന്വേഷണ ഉദ്യോഗസ്ഥരെന്നും ആളൂർ ആരോപിച്ചു.
കൊലപാതകം നടത്തിയത്തെ അമീറുൽ അല്ലെന്നു തെളിയിക്കാൻ സമർപ്പിച്ച കാര്യങ്ങളൊന്നും ഡിവിഷൻ ബെഞ്ച് വ്യക്തമായി പരിശോധിച്ചിട്ടില്ല. നിയമവിദ്യാർഥിനിയെ ഉപദ്രവിച്ചതു താനല്ല എന്ന് പ്രതി വ്യക്തമായി പറഞ്ഞതാണെന്നും ആളൂർ കൂട്ടിച്ചേർത്തു.
കൊലപാതകം, ബലാത്സംഗം, അതിക്രമിച്ചുകയറൽ, മാരകമായി മുറിവേൽപ്പിക്കൽ തുടങ്ങിയ കുറ്റങ്ങളാണ് അസാം സ്വദേശിയായ അമിറുൾ ഇസ്ലാമിനെതിരെ നേരത്തെ തെളിഞ്ഞത്. താൻ കുറ്റം ചെയ്തിട്ടില്ലെന്നും പൊലീസ് കെട്ടിച്ചമച്ച തെളിവുകളാണ് തനിക്കെതിരെ വിചാരണക്കോടതി പരിഗണിച്ചതെന്നുമാണ് പ്രതിയുടെ അപ്പീലിലെ വാദം.
2016 ഏപ്രിൽ 28നാണ് പെരുമ്പാവൂരിൽ വെച്ച് ഇരിങ്ങോള് സ്വദേശിനിയായ നിയമ വിദ്യാർഥിനി കൊല്ലപ്പെട്ടത്. ആഴ്ചകള് നീണ്ട അന്വേഷണത്തിനൊടുവില് 2016 ജൂൺ 16നാണ് അസം സ്വദേശിയായ അമീറുള് ഇസ്ലാം പിടിയിലാകുന്നത്. തുടര്ന്ന് മാസങ്ങള് നീണ്ട വിചാരണയ്ക്കൊടുവിലാണ് അമീറുള് ഇസ്ലാമിനെ കൊച്ചിയിലെ വിചാരണ കോടതി വധശിക്ഷയ്ക്ക് വിധിക്കുന്നത്.
നേരത്തെ പ്രതിയുടെ വധശിക്ഷക്ക് അനുമതി തേടിയുള്ള സംസ്ഥാന സർക്കാറിൻ്റെ അപേക്ഷയിലാണ് ഹൈക്കോടതി ഡിവിഷൻ ബെഞ്ച് വിധി പറഞ്ഞത്. കുറ്റവിമുക്തനാക്കണമെന്നാവശ്യപ്പെട്ട് പ്രതി നൽകിയ അപ്പീലിൽ ഹൈക്കോടതി തള്ളി. വധശിക്ഷയിൽ നിന്ന് മാത്രമല്ല കുറ്റവിമുക്തനാക്കി വെറുതെ വിടണമെന്ന പ്രതിയുടെ ആവശ്യവും തള്ളി. പ്രതിക്കെതിരെ കൃത്യമായ തെളിവുകൾ ഹാജരാക്കാൻ പ്രോസിക്യൂഷന് കഴിഞ്ഞുവെന്ന് ചൂണ്ടിക്കാട്ടിയായിരുന്നു കോടതിയുടെ ഉത്തരവ്.
മകൾക്കായി നടത്തിയ നിയമ പോരാട്ടത്തിൻ്റെ തുടർച്ചയാണ് വിധിയെന്ന് യുവതിയുടെ മാതാവ് പ്രതികരിച്ചു. വധശിക്ഷ വിധിച്ചതിൽ സന്തോഷമുണ്ടെന്നും തൻ്റെ മകൾ അനുഭവിച്ച ക്രൂരമായ വേദന പ്രതിയും അനുഭവിക്കട്ടെയെന്നും യുവതിയുടെ അമ്മ മാധ്യമങ്ങളോട് പറഞ്ഞു. സാക്ഷികളോ സിസിടിവി ദൃശ്യങ്ങളോ ഇല്ലാത്ത കേസിൽ ശാസ്ത്രീയ തെളിവുകളുൾപ്പെടെ നിരത്തി അനുകൂല വിധി നേടിയെടുക്കാനായെന്ന് പ്രോസിക്യൂഷൻ അഭിഭാഷകനും പ്രതികരിച്ചു. ആത്മവിശ്വാസം നൽകുന്ന വിധിയാണെന്ന് അന്വേഷണത്തിന് നേതൃത്വം നൽകിയ പോലീസ് ഉദ്യേഗസ്ഥൻ ഡിസിപി ശശിധരനും പ്രതികരിച്ചു.
എറണാകുളം പ്രിൻസിപ്പൽ സെഷൻസ് കോടതി 2017 ഡിസംബറിലാണ് ഈ വധക്കേസിൽ അമീറുൽ ഇസ്ലാമിന് വധശിക്ഷ വിധിച്ചത്. അപൂർവ്വങ്ങളിൽ അപൂർവ്വമായ കേസായതിനാൽ പ്രതി വധശിക്ഷയ്ക്ക് അർഹനാണെന്നാണ് സർക്കാരിൻ്റെ വാദം. അതേ സമയം ദൃക്സാക്ഷികളില്ലാത്ത സംഭവത്തിൽ തന്നെ കുറ്റക്കാരനാക്കുകയായിരുന്നുവെന്നാണ് പ്രതിഭാഗം വാദം.
പെരുമ്പാവൂര് ജിഷ വധക്കേസിൽ പ്രതി അമീറുൽ ഇസ്ലാമിന്റെ വധശിക്ഷ ശരിവെച്ച് ഹൈക്കോടതി:
പെരുമ്പാവൂര് ജിഷ വധക്കേസിൽ പ്രതി അമീറുൽ ഇസ്ലാമിന്റെ വധശിക്ഷ ശരിവെച്ച് ഹൈക്കോടതി. വധശിക്ഷക്ക് അനുമതി തേടിയുള്ള സംസ്ഥാന സർക്കാറിൻ്റെ അപേക്ഷയിലാണ് ഹൈക്കോടതി ഡിവിഷൻ ബെഞ്ചിൻ്റെ വിധി. കുറ്റവിമുക്തനാക്കണമെന്നാവശ്യപ്പെട്ട് പ്രതി നൽകിയ അപ്പീലിൽ ഹൈക്കോടതി തള്ളി. വധശിക്ഷയിൽ നിന്ന് മാത്രമല്ല കുറ്റവിമുക്തനാക്കി വെറുതെ വിടണമെന്ന പ്രതിയുടെ ആവശ്യവും തള്ളി. പ്രതിക്കെതിരെ കൃത്യമായ തെളിവുകൾ ഹാജരാക്കാൻ പ്രോസിക്യൂഷന് കഴിഞ്ഞു.
മകൾക്കായി നടത്തിയ നിയമ പോരാട്ടത്തിൻ്റെ തുടർച്ചയാണ് വിധിയെന്ന് ജിഷയുടെ മാതാവ് പ്രതികരിച്ചു. വധശിക്ഷ വിധിച്ചതിൽ സന്തോഷമുണ്ടെന്നും തൻ്റെ മകൾ അനുഭവിച്ച ക്രൂരമായ വേദന പ്രതിയും അനുഭവിക്കട്ടെയെന്നും ജിഷയുടെ അമ്മ മാധ്യമങ്ങളോട് പറഞ്ഞു.
സാക്ഷികളോ സിസിടിവി ദൃശ്യങ്ങളോ ഇല്ലാത്ത കേസിൽ ശാസ്ത്രീയ തെളിവുകളുൾപ്പെടെ നിരത്തി അനുകൂല വിധി നേടിയെടുക്കാനായെന്ന് പ്രോസിക്യൂഷൻ അഭിഭാഷകനും പ്രതികരിച്ചു.
