പാൽ കുടിക്കുന്നത് ആരോഗ്യത്തിന് നല്ലതാണെന്ന് എല്ലാവർക്കുമറിയാം. എന്നാൽ അമിതമായി പാൽ കുടിക്കുന്നത് പലപ്പോഴും പല തരത്തിലുള്ള ആരോഗ്യ പ്രശ്നങ്ങൾ ഉണ്ടാക്കാറുണ്ട്. വളരുന്നത് അനുസരിച്ച് പാൽ എത്രമാത്രം ശരീരത്തിന് പ്രയോജനകരമാണെന്ന് എല്ലാവർക്കുമറിയാവുന്ന കാര്യമാണ്. കാൽസ്യം ധാരാളമായി അടങ്ങിയിരിക്കുന്ന പാൽ എല്ലുകൾക്ക് വളരെ നല്ലതാണ്. പ്രോട്ടീനുകൾ, ആരോഗ്യകരമായ കൊഴുപ്പുകൾ, പൊട്ടാസ്യം, കാൽസ്യം, ധാതുക്കൾ, വൈറ്റമിൻ ബി 12, വൈറ്റമിൻ ഡി, കൂടാതെ ഫോസ്ഫറസ് പോലും പാലിൽ ധാരാളമായി അടങ്ങിയിട്ടുണ്ട്. എന്നാൽ പ്രായമാകുന്നത് അനുസരിച്ച് പാൽ കുടിക്കുന്നതിനും ഒരു പ്രത്യേക അളവ് വേണം. ഇതേക്കുറിച്ച് Ishu Jain, COO, Doodhvale പറയുന്നത് നോക്കാം.ആരോഗ്യത്തിന് നല്ലതാണെങ്കിലും ഒരു പഠനമനുസരിച്ച്, പ്രതിദിനം ശുപാർശ ചെയ്യുന്ന മൂന്ന് കപ്പുകൾക്ക് മുകളിലുള്ള അമിതമായ പാൽ ഉപഭോഗവും കുടലിന് പ്രശ്നമുണ്ടാകാൻ കാരണമാകും. ഇത് ആളുകളെ ക്ഷീണിതനാക്കുന്നു. പാലിൽ എ1 കസീൻ അടങ്ങിയിരിക്കുന്നത് മൂലമാണ് ഇത് സംഭവിക്കുന്നത്, ഇത് കുടൽ പാളിയുടെ പ്രവേശനക്ഷമത വർദ്ധിപ്പിക്കുകയും കുടൽ എപ്പിത്തീലിയത്തിൽ കോശജ്വലന ഫലമുണ്ടാക്കുകയും ചെയ്യും.
ഉറക്കമില്ലായ്മ കുറയ്ക്കാന് പാലില് മഞ്ഞള് ചേര്ക്കാംപാൽ അധികമാകുന്നത് മുഖത്തോ ശരീരത്തിന്റെ മറ്റ് ഭാഗങ്ങളിലോ അലർജിക്കും മുഖക്കുരു വരുന്നതിനും കാരണമാകാനുള്ള സാധ്യത വളരെ കൂടുതലാണ്. ചർമ്മത്തിൽ ഇടയ്ക്കിടെ ചുവന്ന പൊട്ടലുകളോ തിണർപ്പുകളോ ശ്രദ്ധയിൽപ്പെട്ടാൽ ഭക്ഷണക്രമം പരിശോധിക്കാൻ ശ്രമിക്കേണ്ടത് ഏറെ പ്രധാനമാണ്. ദീർഘക്കാലം പാൽ കേടുകൂടാതിരിക്കാനും അതുപോലെ കൊഴുപ്പ് വർധിപ്പിക്കുന്നതിനും പാലിൽ രാസ് വസ്തുക്കൾ ചേർക്കാറുണ്ട്. ഇത് പലപ്പോഴും ചർമ്മ പ്രശ്നങ്ങളുണ്ടാക്കും. ശുദ്ധവും സ്വാഭാവികവുമായ പാൽ ആവശ്യത്തിന് അളവിൽ കഴിക്കാൻ എപ്പോഴും ശുപാർശ ചെയ്യുന്നു.പ്രായം കൂടുന്നത് അനുസരിച്ച് പാൽ കുടിക്കുന്നതിൻ്റെ അളവും ശ്രദ്ധിക്കേണ്ടത് ഏറെ പ്രധാനമാണ്. വയറിളക്കവും ദഹനപ്രശ്നങ്ങളും ഇതിൻ്റെ ഫലമായി ഉണ്ടായേക്കാം. അമിതമായ പാൽ കുടിക്കുന്നത് വയറുവേദന, മലബന്ധം, വയറിളക്കം തുടങ്ങിയ ദഹനപ്രശ്നങ്ങൾക്ക് കാരണമായേക്കാം. ശരീരത്തിന് ലാക്ടോസ് ശരിയായി മെറ്റബോളിസമാക്കാൻ കഴിയുന്നില്ലെങ്കിൽ, അത് ദഹനവ്യവസ്ഥയിലൂടെ സഞ്ചരിക്കുകയും കുടൽ ബാക്ടീരിയകളാൽ ഇല്ലാതാക്കുകയും ചെയ്യുന്നു.
അമിതമായ പാൽ ഉപഭോഗത്തിന്റെ അവ്യക്തമായ ലക്ഷണങ്ങളിലൊന്നാണ് മസ്തിഷ്ക പ്രശ്നങ്ങളാണ്. തലച്ചോറിലുണ്ടാകുന്ന മൂടാപ്പ് ഒരു അവസ്ഥയല്ലെങ്കിലും, മെമ്മറി നഷ്ടം, ഫോക്കസ് നഷ്ടപ്പെടൽ, ഏകാഗ്രത എന്നിവയുടെ അഭാവം എല്ലാം ബ്രയ്ൻ ഫോഗിൻ്റെ ലക്ഷണങ്ങളാണ്. വലിയ അളവിൽ പാൽ കഴിക്കുന്ന പ്രായമായവരിലാണ് ഇവ കൂടുതലായി അനുഭവപ്പെടുന്നത്.ഹോർമോണുകളിൽ വലിയ മാറ്റങ്ങൾ വരുന്നതിനും ഹോർമോൺ വളർച്ചയ്ക്കും അമിതമായി പാൽ ഉപഭോഗം കാരണമാകാറുണ്ട്. പാലിൻ്റെ ഉത്പാദനം കൂട്ടാൻ ഹോർമോണുകളെ ഉപയോഗിക്കാറുണ്ട് ഇത് മനുഷ്യൻ്റെ ശരീരത്തിലും വലിയ മാറ്റങ്ങൾ സൃഷ്ടിക്കും. അമിതമായി പാൽ കുടിക്കുന്നത് അപകടമാണെങ്കിലും ശരീരത്തിന് ആവശ്യമുള്ള അളവിൽ പാൽ കുടിക്കാൻ ശ്രദ്ധിക്കണം. മനുഷ്യ ശരീരത്തിന്റെ പോഷക ആവശ്യങ്ങൾ നിറവേറ്റുന്നതിന് പ്രതിദിനം 3 കപ്പ് നല്ലതും മായം കലരാത്തതും രാസവസ്തുക്കൾ ഇല്ലാത്തതുമായ പാൽ കുടിച്ചാൽ മതിയാകും. പാലിനുപുറമെ ആരോഗ്യദായകമായ പാലുൽപ്പന്നങ്ങളായ തൈര്, പനീർ/ ചീസ്, വെണ്ണ മുതലായവ കഴിക്കുന്നതിലൂടെ ഇത് കൂടുതൽ ലഭിക്കും. ശരീരത്തിന്റെ മൊത്തത്തിലുള്ള പോഷണത്തിന് ഇവ വളരെ പ്രധാനമാണ്.
