നെടുങ്കണ്ടത്ത് ഭാര്യാപിതാവിനെ മരുമകന് വെട്ടികൊലപ്പെടുത്തി. ഇടുക്കി നെടുംകണ്ടം കവുന്തിയിലാണ് സംഭവം. പുതുപ്പറമ്പിൽ ടോമി ആണ് കൊല്ലപ്പെട്ടത്. സംഭവത്തില് ഇദ്ദേഹത്തിന്റെ മരുമകൻ ജോബിൻ തോമസിനെ പോലീസ് കസ്റ്റഡിയിലെടുത്തിട്ടുണ്ട്. ജോബിന്റെ ഭാര്യയും ടോമിയുടെ മകളുമായ ടിന്റുവിനു നേരെയും ആക്രമണം ഉണ്ടായി.
ജോബിന് ടിന്റുവിനെ കത്തികൊണ്ട് ആക്രമിക്കുകയായിരുന്നു. വെട്ടേറ്റ് ഗുരുതരമായി പരിക്കേറ്റ ടിന്റുവിനെ കോട്ടയം മെഡിക്കല് കോളജില് പ്രവേശിപ്പിച്ചു. ടിന്റുവിന്റെ ആരോഗ്യനില ഗുരുതരമായി തുടരുകയാണ്. കുടുംബ കലഹത്തെ തുടര്ന്നാണ് കൊലപാതകമെന്നാണ് പോലീസ് പറയുന്നത്. സംഭവത്തില് കേസെടുത്ത പോലീസ് അന്വേഷണം ആരംഭിച്ചു.
ബംഗളൂരുവില് കച്ചവടം ചെയ്തുവരുകയായിരുന്നു ജോബിന് ഏറെ നാളായി ഭാര്യ ടിന്റുവുമായി വേർപിരിഞ്ഞാണ് താമസിച്ചത്. ഇന്നലെ അര്ധരാത്രിക്കു ശേഷമാണ് നെടുംകണ്ടം കൗന്തിയിലെ ടോമിയുടെ വീട്ടിലെത്തി ജോബിന് ആക്രമണം നടത്തിയത്.
