ലോക്സഭാ തെരഞ്ഞെടുപ്പിൻ്റെ മാതൃകാ പെരുമാറ്റച്ചട്ടം ലംഘിച്ചെന്നാരോപിച്ച് കർണാടക ബിജെപി നേതാവും ശിവമോഗ എംപിയുമായ ബി വൈ രാഘവേന്ദ്രയ്ക്കെതിരെ ഞായറാഴ്ച എഫ്ഐആർ രജിസ്റ്റർ ചെയ്തു.
ഈ ലോക്സഭാ തിരഞ്ഞെടുപ്പ് ദേശസ്നേഹികളും ദേശവിരുദ്ധവും തമ്മിലുള്ള ധർമ്മയുദ്ധമാണ്” എന്ന തിരഞ്ഞെടുപ്പ് റാലിയിൽ നടത്തിയ പരാമർശമാണ് വിവാദമായത്. ഇത് പെരുമാറ്റച്ചട്ടത്തിൻ്റെ ലംഘനമാണെന്ന് ആരോപിച്ച് സർക്കാർ ഉദ്യോഗസ്ഥൻ അവിനാഷ് പി സമർപ്പിച്ച പരാതിയിലാണ് നടപടി.
കർണാടക മുൻ മുഖ്യമന്ത്രിയും മുതിർന്ന ബിജെപി നേതാവുമായ ബിഎസ് യെദ്യൂരപ്പയുടെ മകൻ രാഘവേന്ദ്രയാണ് ശിവമോഗയിൽ നിന്നുള്ള ബിജെപി സ്ഥാനാർത്ഥി.
മറുവശത്ത് കന്നഡ നടൻ ശിവരാജ്കുമാറിൻ്റെ ഭാര്യ ഗീത ശിവരാജ്കുമാറിനെ ശിവമോഗയിലെ ലോക്സഭാ സ്ഥാനാർത്ഥിയായി കോൺഗ്രസ് പ്രഖ്യാപിച്ചിട്ടുണ്ട്
കർണാടകയിൽ ലോക്സഭാ തിരഞ്ഞെടുപ്പിനുള്ള 20 സ്ഥാനാർത്ഥികളുടെ ആദ്യ പട്ടിക ബിജെപി പ്രഖ്യാപിച്ചു. ബാക്കിയുള്ള അഞ്ച് സീറ്റുകളിലേക്കുള്ള സ്ഥാനാർത്ഥികളെ ഉടൻ പ്രഖ്യാപിക്കും
കർണാടകയിലെ 28 ലോക്സഭാ സീറ്റുകളിലേക്കുള്ള വോട്ടെടുപ്പ് രണ്ട് ഘട്ടങ്ങളിലായി ഏപ്രിൽ 26, മെയ് 7 എന്നീ തീയ്യതികളിൽ നടക്കും. വോട്ടെണ്ണൽ ജൂൺ നാലിന്.
