മെലിഞ്ഞൊതുങ്ങിയ വയർ സൗന്ദര്യത്തിന്റെ മാത്രമല്ല ആരോഗ്യത്തിന്റെ കൂടി പ്രതീകമാണ്. ബോഡിമാസ് ഇൻഡക്സ് കൃത്യമായതുകൊണ്ട് വയറിൽ കൊഴുപ്പടിയുന്നില്ല എന്നു കരുതാനാവില്ല. അരക്കെട്ട്– ഇടുപ്പ് അനുപാതം നോക്കുകയാണ് വയറിലെ കൊഴുപ്പറിയാനുള്ള വഴി. അരവണ്ണം / ഇടുപ്പിന്റെ അളവ് എന്നത് സ്ത്രീകളിൽ 0.75 നു താഴെയായിരുന്നാൽ ആരോഗ്യകരമാണ്. പുരുഷന്മാരിൽ 0.85നു താഴെയാകണം.
വണ്ണം കുറയ്ക്കുന്നതിനെക്കാള് പ്രയാസമാണ് പലപ്പോഴും വയര് കുറയ്ക്കാൻ. പലരും ഇതിന് പ്രത്യേകമായിത്തന്നെ വര്ക്കൗട്ടും ഡയറ്റുമെല്ലാം പിന്തുടരാറുമുണ്ട്. വയറ്റില് അല്ലെങ്കില് അരക്കെട്ടിന് സമീപത്തായി മാത്രം കൊഴുപ്പ് അടിഞ്ഞുകിടക്കുന്നതാണ് കുടവയര്- അല്ലെങ്കില് വയര് മാത്രമായി കൂടാൻ കാരണമാകുന്നത്.
പട്ടിണികിടന്നും ചോറ് ഒഴിവാക്കിയുമൊക്കെ നോക്കി പക്ഷെ എന്തൊക്കെ ചെയ്തിട്ടും വയർ കൂടുന്നു എന്ന പരാതിയാണ് ചിലർക്ക്. ശരീരഭാരം കൂടുന്നത് പലപ്പോഴും വലിയ ആരോഗ്യപ്രശ്നങ്ങളിലേക്കും നയിച്ചേക്കാം. നിയന്ത്രണമില്ലാത്ത ഭക്ഷണരീതിയും കൃത്യമായ ഡയറ്റ് പിൻതുടരാത്തതുമെല്ലാം ഇതിന് കാരണമാണ്.
ദഹനപ്രശ്നങ്ങള്, പതിവായ സ്ട്രെസ്, ഹോര്മോണ് സംബന്ധമായ പ്രശ്നങ്ങള്, മദ്യപാനം എന്നിങ്ങനെ പല കാരണങ്ങള് കൊണ്ടും വയര് ചാടാം. ശരീരവണ്ണം കൂടുതലുള്ളവരില് സ്വാഭാവികമായും അതിന്റെ ഭാഗമായും വയര് കൂടാം.
കാരണം എന്താണെന്നത് കണ്ടെത്തിയാല് തീര്ച്ചയായും അത് വച്ചുതന്നെ ഈ പ്രശ്നം വലിയൊരു പരിധി വരെ പരിഹരിക്കാൻ സാധിക്കും. കൂട്ടത്തില് വ്യായാമം- ഡയറ്റ് എന്നിവയും പാലിക്കണം. ഇത്തരത്തില് വയര് കുറയ്ക്കാൻ ഡയറ്റുമായി ബന്ധപ്പെട്ട് നിങ്ങള്ക്ക് പരീക്ഷിച്ചുനോക്കാവുന്ന ഒന്നിനെ കുറിച്ചാണിനി പങ്കുവയ്ക്കുന്നത്.
അതായത്, വിവിധ തരം സീഡ്സ് അഥവാ വിത്തുകള് കഴിക്കുന്നത് വയര് കുറയ്ക്കാൻ സഹായിക്കുമത്രേ. ഇങ്ങനെ വയര് കുറയ്ക്കാൻ സഹായിക്കുന്ന പ്രധാനപ്പെട്ട മൂന്നിനം വിത്തുകളെയും, അതുപോലുള്ള ചില ഭക്ഷണപദാർത്ഥങ്ങളെ കുറിച്ചും അവ എങ്ങനെയാണ് വയര് കുറയ്ക്കാൻ സഹായിക്കുന്നത് എന്നതിനെയും കുറിച്ചാണിനി പങ്കുവയ്ക്കുന്നത്
ഈ അടുത്ത കാലങ്ങളിലായി ധാരാളം പേര് ഡയറ്റിലുള്പ്പെടുത്തുന്ന ഒന്നാണ് ഫ്ളാക്സ് സീഡ്സ്. ഇതിന്റെ നിരവധിയായ ആരോഗ്യഗുണങ്ങള് തന്നെ കാരണം. ശരീരത്തില് കൊഴുപ്പടിയാൻ കാരണമാകുന്ന ചീത്ത കൊളസ്ട്രോളിന്റെ അളവ് കുറയ്ക്കാൻ സഹായിക്കുന്നത് വഴിയാണ് ഫ്ളാക്സ് സീഡ്സ് വണ്ണം നിയന്ത്രിക്കാനും, വയറ് കുറയ്ക്കാനുമെല്ലാം സഹായിക്കുന്നത്. അതുപോലെ തന്നെ ഫ്ളാക്സ് സീഡ്സ് വിശപ്പിനെ ശമിപ്പിക്കുകയും അതിലൂടെ അമിതമായി കഴിക്കുന്നത് നിയന്ത്രിക്കുകയും ചെയ്യുന്നു. ഇതെല്ലാം ആകെ വണ്ണവും വയറും കുറയ്ക്കാൻ സഹായിക്കുന്നതാണ്
ജീരകം ഭക്ഷണത്തിൽ ഉൾപ്പെടുത്തുന്നത് ഗുണം ചെയ്യും. രാത്രിയിൽ ജീരകം ഇട്ടുവച്ച വെള്ളം രാവിലെ കുടിക്കുന്നത് വയർ കുറയ്ക്കാൻ സഹായിക്കും. കൂടാതെ ഇതിൽ ധാരാളം നാരുകൾ അടങ്ങിയിട്ടുണ്ട്. ഈ നാരുകൾ ശരീരത്തിൽ കൊഴുപ്പ് അടിയുന്നത് തടയും.
ധാരാളം ആരോഗ്യഗുണങ്ങളുള്ള മറ്റൊരു സീഡ് ആണ് പംകിൻ സീഡ്സ് അഥവാ മത്തൻ കുരു. പ്രോട്ടീൻ, ഫൈബര്, ആരോഗ്യകരമായ കൊഴുപ്പ് എന്നിവയുടെയെല്ലാം സ്രോതസാണ് മത്തൻകുരു. വിശപ്പ് ശമിപ്പിക്കുകയും അതിലൂടെ അമിതമായി കഴിക്കുന്നത് നിയന്ത്രിക്കുകയും ചെയ്യുന്നതിലൂടെ പംകിൻ സീഡ്സ് വണ്ണവും വയറും കുറയ്ക്കാൻ സഹായിക്കുന്നു.
അടിവയറ്റിലെ കൊഴുപ്പ് കുറയ്ക്കാൻ ബീറ്റ്റൂട്ടും ഉപകാരപ്രദമാണ്. ധാരാളം വിറ്റാമിനുകളും നാരുകളും ആന്റി ഓക്സിഡന്റുകളും ഇവയിൽ അടങ്ങിയിട്ടുണ്ട്. ബീറ്റ്റൂട്ടിൽ കലോറി വളരെ കുറവാണ്. കൊഴുപ്പും കുറവായതിനാൽ ബീറ്റ്റൂട്ട് കഴിക്കുന്നത് ശരീരത്തിലെ കൊഴുപ്പിനെ കത്തിച്ചുകളയാനും ശരീരഭാരം കുറയ്ക്കാനും സഹായകരമാകും.
ക്യാരറ്റ് കലോറി കുറഞ്ഞ പച്ചക്കറിയാണ്. ജ്യൂസായും സാലഡായും പലവിധത്തിൽ ഡയറ്റിൽ ഉൾപ്പെടുന്നത് വലിയ ഗുണം ചെയ്യും. വിറ്റാമിൻ എ, സി, കെ, ബി 6, ബയോട്ടിൻ, പൊട്ടാസ്യം, ഫൈബർ തുടങ്ങി നിരവധി പോഷകങ്ങളുടെ കലവറ കൂടിയാണ് ക്യാരറ്റ്
നിരവധി ആരോഗ്യഗുണങ്ങളുള്ള മറ്റൊരു സീഡ് ആണ് ചിയ സീഡ്സ്. ഇതും ഇന്ന് വിപണിയില് സുലഭമാണ്. ചിയ സീഡ്സും ഫ്ളാക്സ് സീഡ്സ്- പംകിൻ സീഡ്സ് പോലെ വിശപ്പിനെ ശമിപ്പിക്കാനാണ് പ്രധാനമായും സഹായിക്കുന്നത്. ബ്രേക്ക്ഫാസ്റ്റ്, ലഞ്ച്, ഡിന്നര് എന്നിവയ്ക്ക് പുറമെ നാം കഴിക്കുന്ന പലഹാരങ്ങള്- വിവിധ സ്നാക്സ്- പാക്കറ്റ് ഭക്ഷണങ്ങളെല്ലാമാണ് അധികവും ആരോഗ്യത്തിന് വിനയാകുന്നത്. ഈ സമയങ്ങളില് കൊറിക്കാനാണ് സീഡ്സ് പ്രയോജനപ്പെടുത്തേണ്ടത്. എന്തായാലും ഇവ കഴിക്കുന്നത് കൊണ്ട് മാത്രം വയര് കുറയുമെന്ന് ധരിക്കല്ലേ. ഇതൊരു ഡയറ്റ് ടിപ് ആയി ചേര്ക്കാമെന്ന് മാത്രം.
