ജിദ്ദ: ഹോം ഡെലിവറി ജീവനക്കാർക്ക് പുതുതായി 12 വ്യവസ്ഥകൾ നടപ്പാക്കാനുദ്ദേശിക്കുന്നതായി നഗരസഭാ, പാർപ്പിടകാര്യ മന്ത്രാലയം വ്യക്തമാക്കി. പുതിയ കരടു വ്യവസ്ഥകൾ വിദഗ്ദരുടെയും പൊതുസമൂഹത്തിന്റെയും അഭിപ്രായ, നിർദേശങ്ങൾക്കായി പബ്ലിക് കൺസൾട്ടേഷൻ പ്ലാറ്റ്ഫോമിൽ മന്ത്രാലയം പരസ്യപ്പെടുത്തി. ഹെൽത്ത് കാർഡ് നേടൽ, വൃത്തിയുള്ള വസ്ത്രം ധരിക്കൽ, സ്ഥാപനങ്ങൾ ജീവനക്കാർക്ക് യൂനിഫോം അംഗീകരിക്കൽ, സ്ഥാപനത്തിന്റെ പേരോ ട്രേഡ് മാർക്കോ യൂനിഫോമിലോ ഡെലിവറി ബോക്സിലോ പതിക്കൽ, ഭക്ഷ്യവസ്തുക്കൾ ഡെലിവറി ചെയ്യുമ്പോൾ മുഴുസയമം മാസ്കും കൈയുറകളും ധരിക്കൽ, ഭക്ഷ്യവസ്തുക്കൾ സൂക്ഷിക്കുന്ന ബോക്സ് ഡ്രൈവർക്ക് സമീപമുള്ള സീറ്റിൽ വെക്കാതിരിക്കൽ, നീക്കം ചെയ്യുന്ന വസ്തുക്കൾ സൂക്ഷിച്ച പേക്കറ്റിലെ സീൽ നീക്കം ചെയ്യാതിരിക്കൽ തുറക്കാതിരിക്കൽ, ഭക്ഷ്യവസ്തുക്കൾ ഡെലിവറി ചെയ്യുമ്പോൾ പുകവലിക്കാതിരിക്കൽ, ഭക്ഷണ, പാനീയങ്ങൾ കഴിക്കാതിരിക്കൽ എന്നിവ അടക്കമുള്ള വ്യവസ്ഥകളാണ് ജീവനക്കാർക്ക് ബാധകമാക്കുന്നത്.
ഭക്ഷ്യവസ്തുക്കളുടെ ഡെലിവറി മേഖലയിൽ പ്രവർത്തിക്കുന്ന ജീവനക്കാർ ഭക്ഷ്യസുരക്ഷാ കാര്യങ്ങളിൽ അവബോധം നൽകുന്ന പരിശീലനം ലഭ്യമാക്കണമെന്നും വ്യവസ്ഥയുണ്ട്. കൈകൾ പതിവായി കഴുകൽ, നഖങ്ങൾ വെട്ടിയതും വൃത്തിയുള്ളതുമായിരിക്കൽ എന്നീ വ്യവസ്ഥകളും ജീവനക്കാർക്ക് ബാധകമാണ്. രോഗം ബാധിക്കുകയോ മുറിവുണ്ടാവുകയോ പകരുന്ന അൾസറുകൾ ബാധിക്കുകയോ ചെയ്യാൽ ഡെലിവറി ജീവനക്കാർ ജോലിയിൽ നിന്ന് വിട്ടുനിൽക്കണം. ജീവനക്കാരൻ മെഡിക്കൽ ഫിറ്റായിരിക്കണമെന്നും വ്യവസ്ഥയുണ്ട്.
ഹോം ഡെലിവറി മേഖലയിൽ പ്രവർത്തിക്കാൻ സ്ഥാപനത്തിന് കാലാവധിയുള്ള നഗരസഭാ ലൈസൻസ് ഉണ്ടായിരിക്കണം. കൂടാതെ ഹോം ഡെലിവറി മേഖലയിൽ പ്രവർത്തിക്കാൻ അതത് വ്യാപാര മേഖലകൾക്ക് മേൽനോട്ടം വഹിക്കുന്ന ബന്ധപ്പെട്ട വകുപ്പിന്റെ അനുമതി നേടുകയും വേണം. ഹോം ഡെലിവറി ലൈസൻസ് കാലാവധി നഗരസഭാ ലൈസൻസ് കാലാവധിയേക്കാൾ കവിയാൻ പാടില്ല. ഹോം ഡെലിവറിക്ക് മൂന്നാമതൊരു കക്ഷിയുമായി കരാർ ഒപ്പുവെക്കാൻ ആഗ്രഹിക്കുന്ന പക്ഷം ആ കമ്പനിയുടെ പേരുവിവരങ്ങളും ഡെലിവറി സേവനത്തിന് ഉപയോഗിക്കുന്ന വാഹനങ്ങളുടെയും ഈ സേവനത്തിൽ ജോലി ചെയ്യുന്ന ജീവനക്കാരുടെയും വിവരങ്ങൾ ലൈസൻസ് അപേക്ഷക്കൊപ്പം സമർപ്പിക്കണമെന്നും വ്യവസ്ഥയുണ്ട്.
ഹോം ഡെലിവറിക്ക് ഉപയോഗിക്കുന്ന വാഹനങ്ങൾ ലൈസൻസുള്ളതും ഡെലിവറിക്കായി പ്രത്യേകം സജ്ജീകരിച്ചതുമാകണം. വാഹനവും അനുബന്ധ സജ്ജീകരണങ്ങളും പതിവായി വ്യത്തിയാക്കുകയും അണുവിമുക്തമാക്കുകയും വേണം. വാഹനത്തിന്റെ താപനില നീക്കം ചെയ്യുന്ന ഭക്ഷ്യവസ്തുവിന്റെ സ്വഭാവത്തിന് അനുയോജ്യമായിരിക്കണം. മരുന്നുകളാണ് ഡെലിവറി ചെയ്യുന്നതെങ്കിൽ മരുന്ന് വിൽക്കുന്ന സ്ഥാപനം സീൽ ചെയ്ത ബാഗിൽ പേക്ക് ചെയ്യൽ നിർബന്ധമാണ്. വൃത്തിയാക്കാനും അണുവിമുക്തമാക്കാനും എളുപ്പമുള്ള കട്ടികൂടിയ, തുരുമ്പ് പിടിക്കാത്ത വസ്തുക്കൾ കൊണ്ട് നിർമിച്ച ബോക്സുകളായിരിക്കണം ഹോം ഡെലിവറി സേവനത്തിനുള്ള ബൈക്കുകളിൽ ഉപയോഗിക്കേണ്ടത്. ഭക്ഷ്യവസ്തുക്കൾ വിൽക്കുന്ന ബഖാലകൾ, സെൻട്രൽ മാർക്കറ്റുകൾ, റെസ്റ്റോറന്റുകൾ, ചില്ലറ വ്യാപാര സ്ഥാപനങ്ങൾ പോലുള്ള സ്ഥാപനങ്ങൾക്ക് അനുയോജ്യമായ കാറുകളും ബൈക്കുകളും ഡെലിവറിക്ക് യോഗിക്കാവുന്നതാണ്. ബേക്കറികൾ, കാറ്ററിംഗ് മേഖലയിൽ പ്രവർത്തിക്കുന്ന ഹോട്ടലുകൾ, ഭക്ഷ്യവസ്തുക്കളല്ലാത്ത ഉൽപന്നങ്ങളുടെ ചില്ലറ, മൊത്ത വ്യാപാര മേഖലയിൽ പ്രവർത്തിക്കുന്ന സ്ഥാപനങ്ങൾ എന്നിവക്ക് അനുയോജ്യമായ മിനി ചരക്കു വാഹനങ്ങൾ ഡെലിവറിക്ക് ഉപയോഗിക്കാവുന്നതാണ്.
കാറ്ററിംഗ് സെന്ററുകൾ, ഇറച്ചി വിതരണ കേന്ദ്രങ്ങൾ, ഫർണിച്ചറും വീട്ടുപകരണങ്ങളും അടക്കം ഭക്ഷ്യവസ്തുക്കളല്ലാത്ത ഉൽപന്നങ്ങൾ വിൽക്കുന്ന സ്ഥാപനങ്ങൾ എന്നിവക്ക് തങ്ങൾക്ക് അനുയോജ്യമായ ഹെവി ചരക്ക് വാഹനങ്ങളും ഹോം ഡെലിവറിക്ക് ഉപയോഗിക്കാവുന്നതാണ്. വാഹനം ഉപയോഗിക്കാനുള്ള അവകാശം തെളിയിക്കുന്ന രേഖകൾ സ്ഥാപനത്തിന്റെ പക്കലുണ്ടായിരിക്കണം. ഭക്ഷ്യവസ്തുക്കളെ ബാധിക്കുന്ന മലിനീകരണമോ ദുർഗന്ധമോ വാഹനത്തിൽ ഇല്ലെന്ന് ഉറപ്പുവരുത്തണമെന്നും വ്യവസ്ഥയുണ്ട്. ഡെലിവറി ചെയ്യുമ്പോൾ ചൂടുള്ള ഭക്ഷണങ്ങളെയും തണുത്ത ഭക്ഷണങ്ങളെയും വേർതിരിക്കേണ്ടതാണ്. ഭക്ഷണങ്ങളും മരുന്നും സൂക്ഷിക്കുന്ന അതേ സ്ഥലത്ത് ശുചീകരണ പദാർഥങ്ങൾ സൂക്ഷിക്കാൻ പാടില്ല.
ഡെലിവറിക്ക് ഉപയോഗിക്കുന്ന മുഴുവൻ വാഹനങ്ങൾക്കും ബന്ധപ്പെട്ട എല്ലാ വകുപ്പുകളിൽ നിന്നുമുള്ള കാലാവധിയുള്ള ലൈസൻസുകൾ ഉണ്ടായിരിക്കണം. ചൂടുള്ളതും തണുപ്പിച്ചതും ശീതീകരിച്ചതുമായ ഭക്ഷണങ്ങളുടെ അവസ്ഥയുമായി പൊരുത്തപ്പെടുന്ന പാക്കേജിംഗ് സാമഗ്രികളാണ് ഉപയോഗിക്കേണ്ടത്. പാക്കേജിംഗ് സാമഗ്രികൾ ആകിരണം
