നിയമസഭയില് നേര്ക്കുനേര് ഏറ്റുമുട്ടി പ്രതിപക്ഷ നേതാവ് വി.ഡി. സതീശനും മുഖ്യമന്ത്രി പിണറായി വിജയനും. എസ്.എഫ്.ഐയുടെ അതിക്രമങ്ങള്ക്കെതിരായ അടിയന്തര പ്രമേയത്തിന് അനുമതി നിഷേധിച്ചശേഷം പ്രതിപക്ഷ നേതാവ് നടത്തിയ പ്രസംഗത്തിനിടെയായിരുന്നു വാക്പോര്. ‘താങ്കള് മഹാരാജാവല്ല, മുഖ്യമന്ത്രിയാണ്’ എന്ന് വി.ഡി സതീശന് മുഖ്യമന്ത്രിയോട് പറഞ്ഞപ്പോള് ഉടനടി മുഖ്യമന്ത്രി മറുപടി നൽകി. ‘താന് മഹാരാജാവല്ല, ജനങ്ങളുടെ ദാസനാണ്’ എന്നായിരുന്നു അദ്ദേഹത്തിൻ്റെ പ്രതികരണം.
‘നിങ്ങള് ജനങ്ങളാല് തിരഞ്ഞെടുക്കപ്പെട്ട മുഖ്യമന്ത്രിയാണ്. നവകേരളസദസ്സില് യാത്ര ചെയ്തപ്പോള് നിങ്ങള്ക്ക് തോന്നി നിങ്ങള് മഹാരാജാവാണെന്ന്. നിങ്ങളോട് ഞങ്ങള് പറയുന്നു, നിങ്ങള് മഹാരാജാവല്ല, നിങ്ങള് കേരളത്തിൻ്റെ മുഖ്യമന്ത്രിയാണ്.’ -വി.ഡി. സതീശന് പറഞ്ഞു.
പ്രതിപക്ഷനേതാവിൻ്റ പ്രസംഗത്തില് ഇടപെട്ടുകൊണ്ട് മുഖ്യമന്ത്രി ഇതിന് മറുപടി പറഞ്ഞു. ‘ഞാന് മഹാരാജാവൊന്നുമല്ല, ഞാന് ജനങ്ങളുടെ ദാസനാണ്. എല്ലാ കാലത്തും ജനങ്ങളോടൊപ്പമാണ്. ജനങ്ങളുടെ കൂടെയാണ് നിന്നിട്ടുള്ളത്. ജനങ്ങള്ക്കുവേണ്ടി എന്തും ചെയ്യും. ജനങ്ങള്ക്കുവേണ്ടി
മുഖ്യമന്ത്രിയുടെ മറുപടിക്ക് ശേഷവും മഹാരാജാവല്ല എന്ന് പ്രതിപക്ഷനേതാവ് വീണ്ടും മുഖ്യമന്ത്രിയെ ഓര്മ്മിപ്പിച്ചു. ‘നിങ്ങള്… അധികാരം കയ്യില് വന്നപ്പോള് അമിതമായ അധികാരം ഉപയോഗിച്ച് പാവപ്പെട്ട കുഞ്ഞുങ്ങളെ തല്ലിക്കൊന്ന് കെട്ടിത്തൂക്കിയവരെ വരെ ന്യായീകരിച്ചപ്പൊ, നിങ്ങള് ആ കുട്ടികളെ മുഴുവന് മര്ദ്ദിച്ചപ്പോള്, നിങ്ങള് വിചാരിച്ചു നിങ്ങള് മഹാരാജാവാണെന്ന്. നിങ്ങള് മഹാരാജാവല്ല. നിങ്ങള് മഹാരാജാവല്ല എന്നാണ് കേരളം നിങ്ങളെ ഓര്മ്മപ്പെടുത്തിയത്.’ സതീശന് പറഞ്ഞു.
എസ്.എഫ്.ഐയെ പിന്തുണച്ചും കെ.എസ്.യുവിനെ പഴിച്ചും മുഖ്യമന്ത്രി പിണറായി വിജയൻ നിയമസഭയിൽ രംഗത്തെത്തി. വിദ്യാർഥി സംഘടനാ പ്രവർത്തനത്തിൻ്റെ ഭാഗമായി കൊലചെയ്യപ്പെട്ടവരില് അധികവും എസ്.എഫ്.ഐ. പ്രവർത്തകരാണെന്ന് പറഞ്ഞ മുഖ്യമന്ത്രി ഇത്തരമൊരു അനുഭവം കെ.എസ്.യുവിന് പറയാനുണ്ടോ എന്നും നിയമസഭയിൽ മുഖ്യമന്ത്രി ചോദിച്ചു.
ഇടിമുറിയിൽ കൂടി വളർന്നു വന്ന പ്രസ്താനമല്ല എസ്.എഫ്.ഐ. കെ.എസ്.യു നടത്തിയ ആക്രമണങ്ങളെ വിവിധ തലങ്ങളിൽ നേരിട്ടുകൊണ്ടാണ് എസ്.എഫ്.ഐ. വളർന്നു വന്നത്. പടിപടിയായിട്ടാണ് എസ്എഫ്ഐയുടെ വളർച്ച. പെട്ടെന്ന് ഉണ്ടായതല്ല. എന്തെല്ലാം അതിക്രമങ്ങൾ നേരിടേണ്ടി വന്നു. 35 പേർക്ക് ജീവൻ വെടിയേണ്ടി വന്നു. അതിന്റെ രാഷ്ട്രീയ കാരണക്കാരിൽ പലരും നിങ്ങളാണ്. നിറഞ്ഞു നിൽക്കുന്ന പ്രസ്ഥാനത്തെ വല്ലാതെ താറടിച്ചു കാണിക്കേണ്ടത് ആവശ്യമായിരിക്കാം.” നടക്കാൻ പാടില്ലാത്ത കാര്യങ്ങൾ നടക്കുമ്പോൾ അതിനെ ന്യായീകരിക്കുന്നത് തങ്ങളുടെ പണിയല്ലെന്നും മുഖ്യമന്ത്രി സഭയിൽ പറഞ്ഞു.
