ജനപ്രീതിയുടെ കാര്യത്തിൽ ലോകത്ത് ഒന്നാം സ്ഥാനത്തുള്ള പ്രധാനമന്ത്രി നരേന്ദ്ര മോദി ഇപ്പോൾ മറ്റൊരു റെക്കോർഡ് കൂടി സൃഷ്ടിച്ചിരിക്കുകയാണ്. യുട്യൂബ് ചാനലിൽ 20 മില്യൺ സബ്സ്ക്രൈബേഴ്സുള്ള ലോകത്തിലെ ആദ്യത്തെ നേതാവായി പ്രധാനമന്ത്രി മാറിയിരിക്കുന്നു. ലളിതമായി പറയുകയാണെങ്കിൽ 2 കോടിയിലധികം ആളുകൾ പ്രധാനമന്ത്രിയുടെ യൂട്യൂബ് ചാനലുമായി ബന്ധപ്പെട്ടിരിക്കുന്നു. പ്രധാനമന്ത്രിയുടെ വിവിധ വീഡിയോകൾ ഈ യൂട്യൂബ് ചാനലിൽ അപ്ലോഡ് ചെയ്തിട്ടുണ്ട്. കൂടാതെ, ലൈവ് ടെലികാസ്റ്റും ഈ ചാനലിൽ കാണാം. പ്രധാനമന്ത്രി മോദി രാജ്യത്തും ലോകത്തും ഏത് പരിപാടിയിൽ പങ്കെടുത്താലും ഈ ചാനലിലൂടെ കാണാനും കേൾക്കാനും കഴിയും.
പ്രധാനമന്ത്രി സോഷ്യൽ മീഡിയയിൽ സജീവം
യൂട്യൂബ് കൂടാതെ മറ്റ് സോഷ്യൽ മീഡിയ പ്ലാറ്റ്ഫോമുകളിലും പ്രധാനമന്ത്രിയ്ക്ക് മികച്ച ജന പിന്തുണയാണുള്ളത്. എക്സിൽ (ട്വിറ്റർ) 94 ദശലക്ഷം ഫോളോവേഴ്സാണ് പ്രധാനമന്ത്രിക്കുള്ളത്. ഇൻസ്റ്റഗ്രാമിൽ 82.7 മില്യൺ ഫോളോവേഴ്സും ഉണ്ട്. സോഷ്യൽ മീഡിയ പ്ലാറ്റ്ഫോമായ ഫെയ്സ്ബുക്കിൽ പ്രധാനമന്ത്രിക്ക് 48 ദശലക്ഷം ഫോളോവേഴ്സ് ആണ് ഉള്ളത്.
ലോകത്തിലെ ഏറ്റവും ജനപ്രീതിയുള്ള നേതാവ്
അടുത്തിടെ പുറത്തിറക്കിയ ലോകത്തിലെ ഏറ്റവും ജനപ്രിയ നേതാക്കളുടെ പട്ടികയിൽ പ്രധാനമന്ത്രി നരേന്ദ്ര മോദി ഒന്നാം സ്ഥാനത്താണുള്ളത്. ഡിസംബറിന്റെ തുടക്കത്തിൽ മോണിംഗ് കൺസൾട്ട് നടത്തിയ സർവേ പ്രകാരം, 76% പേർ അംഗീരിക്കുന്ന പ്രധാനമന്ത്രിയാണ് നരേന്ദ്ര മോദി.
66% റേറ്റിംഗ് നേടിയ മെക്സിക്കോ പ്രസിഡന്റ് ഒബ്രഡോർ സർവേയിൽ രണ്ടാം സ്ഥാനത്തെത്തി. യുഎസ് പ്രസിഡന്റ് ജോ ബൈഡൻ 37% അംഗീകാര റേറ്റിംഗുമായി എട്ടാം സ്ഥാനത്തും, ഇറ്റലിയുടെ പ്രധാനമന്ത്രി ജോർജിയ മലോണി 41% റേറ്റിംഗുമായി ആറാം സ്ഥാനത്തതുമാണ് ഉള്ളത്.
ഏറ്റവും വിശ്വസ്തരായ നേതാക്കളിൽ പ്രധാനമന്ത്രി മോദി ഒന്നാമത്
ഈ വർഷം സെപ്റ്റംബറിൽ മോണിംഗ് കൺസൾട്ട് പ്രധാനമന്ത്രി മോദിയെ ആഗോളതലത്തിൽ ഏറ്റവും വിശ്വസ്തനായ നേതാവായി വിശേഷിപ്പിച്ചിരുന്നു എന്നത് ശ്രദ്ധേയമാണ്. മോണിംഗ് കൺസൾട്ട് നടത്തിയ ഈ സർവേയിൽ 76 ശതമാനം ആളുകളും പ്രധാനമന്ത്രി മോദിയുടെ നേതൃത്വത്തെ അംഗീകരിച്ചതായി കണ്ടെത്തിയിട്ടുണ്ട്.
