ഭീകരാക്രമണത്തോടെ ദുരന്തഭൂമിയായി മാറിയിരിക്കുകയാണ് മോസ്കോയിലെ ക്രോക്കസ് ഹാൾ തീപിടിത്തത്തിനും വെടിവെപ്പിനും(shoting) ഇടയിൽ രക്ഷപ്പെടാൻ കഴിയാത്തവരുടെ മൃതദേഹങ്ങൾ(deadbody) കെട്ടിടത്തിൻ്റെ വിവിധ ഭാഗങ്ങളിൽ നിന്ന് കണ്ടെത്തിയിരുന്നു. കുളിമുറിയിലും കോണിപ്പടികളിലും ഇടനാഴികളിലും കത്തിക്കരിഞ്ഞ മൃതദേഹങ്ങൾ കണ്ടെത്തി. ഭീകരാക്രമണത്തിന് ശേഷം ഹാളിൽ വലിയ തീപിടുത്തമുണ്ടായിയിരുന്നു. ആക്രമണത്തിൻ്റെ പുതിയ വീഡിയോയ്ക്കൊപ്പം ആക്രമണത്തിന് ശേഷം കണ്ട ചിത്രങ്ങളും ഭീതിജനകമാണ്.
റഷ്യയുടെ തലസ്ഥാനമായ മോസ്കോയിൽ വെള്ളിയാഴ്ച രാത്രിയുണ്ടായ ഭീകരാക്രമണം ലോകത്തെയാകെ ഞെട്ടിച്ചിരിക്കുകയാണ്. 2004 ന് ശേഷം കഴിഞ്ഞ 20 വർഷത്തിനിടയിലെ ഏറ്റവും വലുതും അപലപനീയവുമായ ആക്രമണമാണിത്. 130ലേറെ ആളുകൾക്ക് ജീവൻ നഷ്ടപ്പെടുകയും നൂറുകണക്കിന് ആളുകൾ ഇപ്പോഴും ആശുപത്രിയിൽ മരണത്തോട് മല്ലിടുകയും ചെയ്യുന്നു. 2004-ൽ റഷ്യയിലെ ബെസ്ലാൻ സ്കൂളിൽ സമാനമായ ആക്രമണം നടന്നിരുന്നു.
ആക്രമണത്തിന് ശേഷം ശനിയാഴ്ച, മോസ്കോ റീജിയൻ ഗവർണർ ആന്ദ്രേ വോറോബിയോവ് സംഭവസ്ഥലത്തെത്തിയിരുന്നു. ക്രോക്കസ് കൺസേർട്ട് ഹാളിൽ എത്തിയപ്പോൾ കണ്ട ദൃശ്യങ്ങൾ ഞെട്ടിക്കുന്നതായിരുന്നു. ഒരു ദിവസം മുമ്പ് ആഡംബരത്തിന് പേരുകേട്ട ഹാൾ ഇപ്പോൾ ചാരക്കൂമ്പാരമായി മാറിയിരിക്കുന്നു. ഇതിനിടെ നാല് അക്രമികളടക്കം 11 പേരെ അറസ്റ്റ് ചെയ്തതായി റഷ്യൻ പോലീസ് അവകാശപ്പെട്ടു. ആക്രമണത്തിന് ശേഷം ഐസ് ഖൊറാസാൻ ഉത്തരവാദിത്തം ഏറ്റെടുത്തിരുന്നു. പിന്നാലെ ആക്രമണകാരികളുടെ ഫോട്ടോകൾ റഷ്യൻ മാധ്യമങ്ങൾ പുറത്തുവിട്ടു. ഇവർ റഷ്യൻ ഭാഷയല്ല, ഏതോ വിദേശ ഭാഷയാണ് സംസാരിക്കുന്നതെന്ന് മാധ്യമങ്ങൾ അവകാശപ്പെട്ടു. 5 ദിവസം മുമ്പ് അഞ്ചാം തവണയും റഷ്യയുടെ ഭരണം ഏറ്റെടുത്ത പുടിനെ സംബന്ധിച്ചിടത്തോളം ഈ ആക്രമണം അദ്ദേഹത്തിൻ്റെ സർക്കാരിനെ ഞെട്ടിക്കുന്നതായിരുന്നു. ഈ ആക്രമണത്തിന് ശേഷം, കുറ്റവാളികളെ ഒരു കാരണവശാലും വെറുതെ വിടില്ലെന്ന കർശന സന്ദേശമാണ് റഷ്യ നൽകിയത്.
യുക്രൈൻ, ബെലാറസ് അതിർത്തിയിൽ വച്ചാണ് ഇവരെ പിടികൂടിയത്. ഇവർ യുക്രൈൻ അതിർത്തിയിലേക്ക് ഓടി രക്ഷപ്പെടാൻ ശ്രമിക്കുകയായിരുന്നു. റഷ്യയുടെ ഫെഡറൽ സെക്യൂരിറ്റി സർവീസ്( എഫ്എസ്ബി) പ്രകാരം ആക്രമണകാരികൾക്ക് യുക്രൈനുമായി ബന്ധമുണ്ട്. എന്നാൽ, ഈ ആക്രമണവുമായി തങ്ങൾക്ക് ബന്ധമില്ലെന്ന് വ്യക്തമാക്കി യുക്രൈൻ പ്രസ്താവന ഇറക്കിയിരുന്നു.
ഇതിനിടെ ഒരു മില്യൺ റൂബിൾ അതായത് 10,836 ഡോളർ വാഗ്ദാനം ചെയ്തിരുന്നതായി പിടികൂടിയ നാല് ഭീകരരിൽ രണ്ടുപേരും ചോദ്യം ചെയ്യലിൽ സമ്മതിച്ചതായി റഷ്യ അവകാശപ്പെട്ടു. ടെലിഗ്രാം വഴിയാണ് ആക്രമണം നടത്തേണ്ടതിനെ കുറിച്ച് വിവരം ഇയാൾക്ക് ലഭിച്ചത്. പരിശോധനയിൽ കാറിൽ നിന്ന് താജിക്കിസ്ഥാൻ പാസ്പോർട്ടും കണ്ടെത്തി. ഇറാൻ, തുർക്ക്മെനിസ്ഥാൻ, അഫ്ഗാനിസ്ഥാൻ എന്നിവയുടെ ഭാഗങ്ങളിൽ ഇസ്ലാമിക് സ്റ്റേറ്റ് ഖൊറാസാൻ പ്രവർത്തിക്കുന്നുണ്ട്. പുടിൻ്റെ നയങ്ങളെ ഏറെക്കാലമായി ഈ ഭീകരസംഘടന എതിർത്തുവരികയാണ്.
