നി​ര​വ​ധി മ​യ​ക്കു​മ​രു​ന്ന് കേ​സു​ക​ളി​ൽ പ്ര​തി​: കു​പ്ര​സി​ദ്ധ കു​റ്റ​വാ​ളി കാ​പ്പ നി​യ​മ​പ്ര​കാ​രം അ​റ​സ്റ്റി​ൽ

നി​ര​വ​ധി മ​യ​ക്കു​മ​രു​ന്ന് കേ​സു​ക​ളി​ൽ പ്ര​തി​യാ​യ കു​പ്ര​സി​ദ്ധ കു​റ്റ​വാ​ളി കാ​പ്പ നി​യ​മ​പ്ര​കാ​രം പൊലീസ് പിടിയിൽ. മ​ഞ്ചേ​രി പു​ൽ​പ​റ്റ സ്വ​ദേ​ശി ഒ​റ്റ​ക്ക​ണ്ട​ത്തി​ൽ പീ​ടി​യേ​ക്ക​ൽ വീ​ട്ടി​ൽ ഷം​സു​ദ്ദീ​നാ​ണ്(48) അ​റ​സ്റ്റി​ലാ​യ​ത്.

ജി​ല്ല പൊ​ലീ​സ് മേ​ധാ​വി​യു​ടെ സ്പെ​ഷ​ൽ റി​പ്പോ​ർ​ട്ട് പ്ര​കാ​രം ക​ല​ക്ട​ർ വി.​ആ​ർ. വി​നോ​ദാ​ണ് ഉ​ത്ത​ര​വി​റ​ക്കി​യ​ത്. കാ​ളി​കാ​വി​ൽ​ നി​ന്നാ​ണ് ഇ​യാ​ളെ പൊ​ലീ​സ് പി​ടി​കൂ​ടി​യ​ത്. വ​ണ്ടൂ​ർ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ക​ഞ്ചാ​വു​മാ​യി പൊ​ലീ​സി​ന്റെ പി​ടി​യി​ലാ​യ ഇ​യാ​ൾ മൂ​ന്നു​മാ​സം മു​മ്പാ​ണ് ജ​യി​ലി​ൽ ​നി​ന്ന് ഇ​റ​ങ്ങി​യ​ത്.

മ​ഞ്ചേ​രി, എ​ട​വ​ണ്ണ, ക​രു​വാ​ര​കു​ണ്ട്, വ​ണ്ടൂ​ർ, കാ​ളി​കാ​വ്, നി​ല​മ്പൂ​ർ പൊ​ലീ​സ് സ്റ്റേ​ഷ​നു​ക​ളി​ലാ​യി നി​ര​വ​ധി മ​യ​ക്കു​മ​രു​ന്ന് കേ​സു​ക​ളി​ൽ പ്ര​തി​യാ​യ ഷം​സു​ദ്ദീ​ൻ ജി​ല്ല​യി​ലെ മ​യ​ക്കു​മ​രു​ന്ന് വി​ത​ര​ണ​ക്കാ​രി​ൽ പ്ര​ധാ​നി​യാ​ണെ​ന്ന് പൊ​ലീ​സ് പ​റ​ഞ്ഞു. സ്കൂ​ൾ കു​ട്ടി​ക​ൾ​ക്ക​ട​ക്കം മ​യ​ക്കു​മ​രു​ന്ന് വി​ൽ​പ​ന ന​ട​ത്തി​യ​തി​ന് ഇ​യാ​ളു​ടെ പേ​രി​ൽ കേ​സു​ണ്ട്.

മ​ഞ്ചേ​രി പൊ​ലീ​സ് ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ലെ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. ഇ​യാ​ളെ വി​യ്യൂ​ർ സെ​ൻ​ട്ര​ൽ ജ​യി​ലി​ൽ ഹാ​ജ​രാ​ക്കി ത​ട​ങ്ക​ലി​ലാ​ക്കി. ആ​റ് മാ​സ​ത്തേ​ക്കാ​ണ് ജയിലിലാക്കിയത്.