കോൺഗ്രസ് നേതാവ് സോണിയ ഗാന്ധി ഇന്ന് രാജസ്ഥാനിൽ നിന്ന് രാജ്യസഭയിലേക്ക് നാമനിർദേശ പത്രിക സമർപ്പിക്കും. പത്രിക സമർപ്പിക്കുവാനുള്ള നടപടികൾ പൂർത്തിയാക്കാൻ സോണിയ രാജസ്ഥാൻ തലസ്ഥാനമായ ജയ്പൂരിലെത്തി രാഹുൽ ഗാന്ധിയും പ്രിയങ്ക ഗാന്ധിയും അവർക്കൊപ്പമുണ്ട്. ഇതിന് പുറമെ കോൺഗ്രസ് നേതാക്കളും അനുഭാവികളും ഉൾപ്പെടുന്ന വലിയ ജനക്കൂട്ടവും സോണിയ ഗാന്ധിക്കൊപ്പമുണ്ട്. നിലവിൽ സോണിയ ഗാന്ധി ഉത്തർപ്രദേശിലെ റായ്ബറേലിയിൽ നിന്നുള്ള ലോക്സഭാ എംപിയാണ്
സോണിയയെ കൂടാതെ നാല് സ്ഥാനാർത്ഥികളുടെ പേരുകൾ കൂടി കോൺഗ്രസ് പ്രഖ്യാപിച്ചിട്ടുണ്ട്. ബിഹാറിൽ നിന്നുള്ള അഖിലേഷ് പ്രസാദ്, ഹിമാചൽ പ്രദേശിൽ നിന്നുള്ള അഭിഷേക് മനു സംഗ്വി, മഹാരാഷ്ട്രയിൽ നിന്നുള്ള ചന്ദ്രകാന്ത് ഹന്ദോർ എന്നിവരുടെ പേരുകൾ ഇതിൽ ഉൾപ്പെടുന്നു.
ബിഹാർ, ഛത്തീസ്ഗഡ്, ഹരിയാന, കർണാടക, ഉത്തർപ്രദേശ്, ഉത്തരാഖണ്ഡ്, പശ്ചിമ ബംഗാൾ എന്നിവിടങ്ങളിൽ നിന്നുള്ള 14 സ്ഥാനാർത്ഥികളുടെ പേരുകൾ വരാനിരിക്കുന്ന രാജ്യസഭാ തിരഞ്ഞെടുപ്പിൽ ബിജെപി അടുത്തിടെ പ്രഖ്യാപിച്ചിരുന്നു. ഉത്തർപ്രദേശിൽ നിന്നും സുധാംശു ത്രിവേദി, ആർപിഎൻ സിംഗ് എന്നിവരെ കൂടാതെ മറ്റു ഏഴ് സ്ഥാനാർത്ഥികൾ കൂടി നാമനിർദേശം ചെയ്യപ്പെട്ടിട്ടുണ്ട്. അതേസമയം, ഹരിയാനയിൽ സുഭാഷ് ബറാലയെ പാർട്ടി സ്ഥാനാർഥിയായി പ്രഖ്യാപിച്ചിരുന്നു.
യുപിയിൽ നിന്ന് 10 രാജ്യസഭാ സീറ്റുകൾ ഒഴിഞ്ഞുകിടക്കുകയാണ്. ഇതിൽ ഏഴ് സീറ്റുകളിൽ ബിജെപിയും മൂന്നു സീറ്റുകളിൽ സമാജ്വാദി പാർട്ടിയും സ്ഥാനാർത്ഥികളെ പ്രഖ്യാപിച്ചു. ജയാ ബച്ചൻ, രാംജിലാൽ സുമൻ, അലോക് രഞ്ജൻ എന്നിവരെ സമാജ്വാദി പാർട്ടി രാജ്യസഭയിലേക്ക് സ്ഥാനാർത്ഥികളാക്കി. അഖിലേഷ് യാദവിൻ്റെ ഉപദേശകനാണ് അലോക് രഞ്ജൻ, തിരശ്ശീലയ്ക്ക് പിന്നിലെ പ്രധാന തന്ത്രജ്ഞനായി കണക്കാക്കപ്പെടുന്ന വ്യക്തി കൂടിയാണ് അദ്ദേഹം, അതേസമയം ജയ ബച്ചന് യാദവ് കുടുംബവുമായി അടുത്ത ബന്ധമുണ്ട്. രാംജിലാൽ സുമന് രാജ്യസഭാ സീറ്റ് നൽകിയതിലൂടെ ദളിത് വിഭാഗത്തെ സ്വാധീനിക്കുവാനുള്ള ശ്രമങ്ങളാണ് അഖിലേഷ് യാദവ് നടത്തുന്നത്.
