ആര്എസ്എസ് നേതാക്കളുമായി എ ഡി ജി പിക്കെതിരായ അന്വേഷണം ആരെ ബോധിപ്പിക്കാനാണെന്ന് ചോദ്യവുമായി കെ പി സി സി പ്രസിഡന്റ് കെ സുധാകരൻ.
എം.ആര് അജിത് കുമാര് ആര്എസ്എസ് നേതാക്കളെ കണ്ടത് മുഖ്യമന്ത്രിക്ക് വേണ്ടിയാണെന്നതില് സംശയമില്ല.ഇപ്പോള് പ്രഖ്യാപിച്ച അന്വേഷണം പോലും ജനങ്ങളുടെയും എല് ഡി എഫിലെ ഘടകകക്ഷികളുടെയും കണ്ണില്പ്പൊടിയിടാനാണെന്നും പേരിന് ഡിജിപിയെ കൊണ്ട് ഒരന്വേഷണം നടത്തി വെളളപൂശാനുള്ള ശ്രമമാണോ ഇപ്പോള് പ്രഖ്യാപിച്ച അന്വേഷണമെന്ന് സംശയമുണ്ടെന്നും സുധാകരൻ പറഞ്ഞു.
പി.വി അൻവർ ഉന്നയിച്ച ആരോപണങ്ങളില് കഴമ്പില്ലെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ.
മുഖ്യമന്ത്രി പിണറായി വിജയൻ്റെ പൊളിറ്റിക്കൽ സെക്രട്ടറി പി. ശശിക്കെതിരെ നിലമ്പൂർ എംഎൽഎ പി.വി അൻവർ ഉന്നയിച്ച ആരോപണങ്ങളില് കഴമ്പില്ലെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ. അന്വറിന്റെ പരാതി പരിശോധിക്കുമെന്നും അദ്ദേഹം അറിയിച്ചു.
എന്നാല് പി.ശശിക്കെതിരായ ആരോപണങ്ങളെ അദ്ദേഹം പ്രതിരോധിച്ചു. തങ്ങള് ഒപ്പം പ്രവര്ത്തിച്ച സഖാക്കളാണെന്നും ദീര്ഘകാലത്തെ അനുഭവമുണ്ടെന്നും അദ്ദേഹം പറഞ്ഞു.
പാര്ട്ടിക്കും സര്ക്കാരിനും പരാതി നല്കിയിട്ട് വീണ്ടും പരസ്യപ്രസ്താവന നടത്തിയ പി.വി. അന്വര് തിരുത്തക തന്നെ വേണമെന്നും അദ്ദേഹം കൂട്ടിച്ചേര്ത്തു.
ഇടതുപക്ഷ മുന്നണിയുടെ ഭാഗമാണ് അന്വര്. അദ്ദേഹം ചില പ്രശ്നങ്ങള് സര്ക്കാരിൻ്റെ മുന്നില് ഉന്നയിച്ചു. ചില കാര്യങ്ങള് പാര്ട്ടിയുടെ മുന്നിലും വന്നു. സര്ക്കാര് അതില് കൃത്യമായ അന്വേഷണത്തിന് ഉത്തരവിട്ടു. പാര്ട്ടിക്ക് നല്കിയ കാര്യങ്ങള് സംബന്ധിച്ച പരിശോധന നടത്തിവരുന്നു. ഇതിനു ശേഷം അന്വറിൻ്റെ ഭാഗത്തുനിന്നുള്ള പ്രസ്താവനകൾ വലതുപക്ഷ ശക്തികളുടെ കൈയിലെ ആയുധമായി അവര് എങ്ങനെയാണ് ഉപയോഗിക്കുന്നതെന്നും നമുക്ക് കാണാനാകും” എംവി ഗോവിന്ദൻ പറഞ്ഞു.
