നവകേരള സദസില് ഇതുവരെ ലഭിച്ചത് 5,40,725 പരാതികളെന്ന് മുഖ്യമന്ത്രി പിണറായി വിജയന്. കഴിഞ്ഞ എല്ഡിഎഫ് സര്ക്കാരിന്റെ കാലത്ത് ആരംഭിച്ച പരാതിപരിഹാര സെല്ലില് നാളിതുവരെ 5,40,722 പരാതികളാണ് ലഭിച്ചതെന്നും അദ്ദേഹം ചൂണ്ടിക്കാട്ടി, അതില് 5,36,525 പരാതികളില് തീര്പ്പ് കല്പ്പിച്ചുവെന്നും അദ്ദേഹം അറിയിച്ചു.
അതായത്, 99.2 ശതമാനം പരാതികളിലും പരിഹാരമുണ്ടായിരിക്കുന്നു. ബാക്കിയുള്ള 4,197 പരാതികളിലുള്ള നടപടികള് പുരോഗമിക്കുകയാണ്. അവയും സമയബന്ധിതമായി പരിഹരിക്കുമെന്നും അദ്ദേഹം പറഞ്ഞു.
നവകേരള സദസിന് മുന്പ് നടന്ന ‘കരുതലും കൈത്താങ്ങും’ താലൂക്കുതല അദാലത്തുകളിലും ജനങ്ങളുടെ വിവിധ വിഷയങ്ങളിലുള്ള പരാതികളിലും വേഗത്തിലുള്ള പരിഹാരം ഉണ്ടായിട്ടുണ്ട്. അദാലത്തുകളില് 76,551 പരാതികളാണ് ആകെ ലഭിച്ചത്.
അതില് 69,413 പരാതികളിലും തീര്പ്പുണ്ടായി. ബാക്കിയുള്ള 7,138 പരാതികള് പരിശോധനയിലാണ്. ഹിയറിങ് അടക്കമുള്ള തുടര്നടപടികള് വേണ്ട പരാതികളാണ് അവശേഷിക്കുന്നതിലേറെയുമെന്ന് മുഖ്യമന്ത്രി വ്യക്തമാക്കി.
