ഏറെ ആരാധകരുള്ള നടിയാണ് സമീറ റെഡ്ഡിബോളിവുഡിലും തെന്നിന്ത്യയിലും ഒരുപോലെ സജീവമായിരുന്ന താരം വിവാഹശേഷം അഭിനയത്തിൽ നിന്ന് വിട്ടു നിൽക്കുകയായിരുന്നു. എങ്കിലും സോഷ്യൽ മീഡിയയിൽ സജീവമായിരുന്നു താരം പലപ്പോഴും താരത്തിന്റെ നിലപാടുകൾ സോഷ്യൽ മീഡിയയിൽ ശ്രദ്ധ നേടാറുണ്ട്. കാസ്റ്റിംഗ് കൗച്ചിനെ കുറിച്ചും സമീറ റെഡ്ഡി തുറന്നു പറഞ്ഞിട്ടുണ്ട്. ബോളിവുഡ് നടനിൽ നിന്നും മോശം പെരുമാറ്റമുണ്ടായതും തന്നോട് പറയാതെ കിസ്സിംഗ് സീൻ വച്ചതിനെ കുറിച്ചും സമീറ പറഞ്ഞിരുന്നു.
ഒരു ബോളിവുഡ് നടൻ തന്നെ കുറിച്ച് പറഞ്ഞത് നീ ഒട്ടും അപ്രോച്ചബിൾ അല്ലെന്നും ബോറിംഗ് ആണെന്നുമായിരുന്നു. നീ ഒട്ടും ഫൺ അല്ലെന്നും ഇനി നിനക്കൊപ്പം അഭിനയിക്കുമോ എന്ന് അറിയുക പോലുമില്ലെന്ന് പറഞ്ഞു. അതിന് ശേഷം അയാൾക്കൊപ്പം താനൊരു സിനിമയിലും അഭിനയിച്ചിട്ടില്ല എന്നാണ് സമീറ പറഞ്ഞത്. ഒരു സിനിമയിൽ തന്നെ അറിയിക്കാതെ തന്നെ കിസ്സിംഗ് സീൻ വച്ചതായും സമീറ പറയുന്നുണ്ട്.
ഒരു സിനിമ ചെയ്തു കൊണ്ടിരിക്കവെ പെട്ടെന്ന് കിസ്സിംഗ് സീൻ ഉണ്ടെന്ന് പറഞ്ഞു. അത് തീരുമാനിക്കുമ്പോൾ താൻ അവിടെ ഇല്ലായിരുന്നു, അതുകൊണ്ട് തയ്യാറല്ല എന്ന് പറഞ്ഞു. എന്നാൽ നിങ്ങൾ മുസാഫിറിൽ ചെയ്തിട്ടുണ്ടല്ലോ എന്നായിരുന്നു അവരുടെ മറുപടി. ആയിരിക്കാം എന്നു കരുതി താൻ അത് തുടർന്നും ചെയ്യണമെന്നില്ലെന്ന് പറഞ്ഞു. സൂക്ഷിച്ച് വേണം പെരുമാറാനെന്നും നിന്നെ മാറ്റാൻ സാധിക്കുമെന്നും സംവിധായകൻ പറഞ്ഞതായാണ് സമീറ പറയുന്നത്.
‘ഇതൊരു തരം പാമ്പും കോണിയും കളിയാണ്. എങ്ങനെയാണ് പാമ്പുകളെ മറി കടന്ന് മുന്നോട്ട് പോകേണ്ടത് എന്ന് അറിഞ്ഞിരിക്കണം. ഞാൻ ഷൂട്ടിന് ശേഷം നടന്മാരുടെ കൂടെ കറങ്ങുകയോ പാർട്ടിയ്ക്ക് പോവുകയോ ചെയ്യില്ല. ഞാൻ വീട്ടിൽ പോയിരുന്ന് ടിവി കാണും. ഞാൻ സോഷ്യലൈസ് ചെയ്യാൻ പോകാറില്ല. അത് ധാരാളം അവസരങ്ങൾ നേടാനുള്ള വഴിയാണെന്ന് അറിയാം. പക്ഷെ കുഴപ്പമില്ല. അതാണ് ഈ ബിസിനസിന്റെ രീതി’ സമീറ പറഞ്ഞു.
