തെലുങ്ക് ദേശം പാർട്ടി (ടിഡിപി) നേതൃത്വത്തിലുള്ള ആന്ധ്രാപ്രദേശിലെ പ്രതിപക്ഷം നിയമസഭാ തിരഞ്ഞെടുപ്പുകൾക്കും ലോക്സഭാ തെരഞ്ഞെടുപ്പിനും മുന്നോടിയായി അതുല്യമായ വാഗ്ദാനവുമായി എത്തിയിരിക്കുകയാണ്. ഗുണനിലവാരമുള്ള മദ്യം വിലകുറച്ച് നൽകുമെന്ന വാഗ്ദാനമാണ് പാർട്ടി വോട്ടർമാർക്ക് മുന്നിൽ വെക്കുന്നത്.
ടിഡിപി അധ്യക്ഷനും ആന്ധ്രാപ്രദേശ് മുൻ മുഖ്യമന്ത്രിയുമായ എൻ ചന്ദ്രബാബു നായിഡു വാണ് ലോക്സഭാ തിരഞ്ഞെടുപ്പിൽ മത്സരിക്കുന്ന കുപ്പത്ത് അടുത്തിടെ നടന്ന റാലിയിൽ ഈ വാഗ്ദാനം നൽകിയത്.
40 ദിവസത്തിന് ശേഷം ടിഡിപി സർക്കാർ രൂപീകരിച്ച് കഴിഞ്ഞാൽ ഗുണനിലവാരമുള്ള മദ്യം മാത്രമല്ല വില കുറയ്ക്കുന്നതിൻ്റെ ഉത്തരവാദിത്തവും ഞങ്ങൾ ഏറ്റെടുക്കുമെന്ന് വാക്കുതരുന്നതായി ചന്ദ്രബാബു നായിഡു പറഞ്ഞു.
ദക്ഷിണേന്ത്യൻ സംസ്ഥാനത്ത് മദ്യം നിരോധിക്കുമെന്ന 2019 ലെ തിരഞ്ഞെടുപ്പ് വാഗ്ദാനത്തിൽ നിന്ന് പിന്നോട്ട് പോയതിന് ആന്ധ്രാപ്രദേശ് മുഖ്യമന്ത്രി ജഗൻ മോഹൻ റെഡ്ഡിയെയും അദ്ദേഹത്തിൻ്റെ വൈഎസ്ആർ കോൺഗ്രസ് പാർട്ടിക്കെതിരെയും അദ്ദേഹം പൊട്ടിത്തെറിച്ചു .
“മദ്യവില ഉൾപ്പെടെ എല്ലാ സാധനങ്ങളുടെയും വില കുതിച്ചുയരുകയാണ്. ഞാൻ മദ്യത്തിൻ്റെ കാര്യം പറയുമ്പോൾ നമ്മുടെ യുവാക്കൾ ആഹ്ലാദിക്കുന്നു. മദ്യത്തിൻ്റെ വില കുറയ്ക്കണമെന്ന് അവർ ആഗ്രഹിക്കുന്നു. 60 രൂപയിൽ നിന്ന് വില വർദ്ധിപ്പിച്ചത് ജഗൻ മോഹൻ റെഡ്ഡിയാണെന്നും ടിഡിപി അധ്യക്ഷന കൂട്ടിച്ചേർത്തു.
ആന്ധ്രാപ്രദേശിലെ വൈഎസ്ആർ കോൺഗ്രസ് പാർട്ടി സർക്കാർ 2019-20ൽ 17,000 കോടി രൂപയിൽ കൂടുതൽ എക്സൈസ് വരുമാനം വഴി 2022-23ൽ 24,000 കോടി രൂപ സമാഹരിച്ചു. സർക്കാർ ഉടമസ്ഥതയിലുള്ള ഔട്ട്ലെറ്റുകൾ വഴിയാണ് ആന്ധ്രാപ്രദേശിൽ മദ്യം വിൽക്കുന്നത്.
ആയിരക്കണക്കിന് കോടി രൂപയോളം വരുന്ന വിലക്കയറ്റത്തിൽ നിന്ന് ലാഭം കൊയ്യുന്നതിനിടയിൽ വൈഎസ്ആർ കോൺഗ്രസ് പാർട്ടി സർക്കാർ ഗുണനിലവാരമില്ലാത്ത മദ്യം വിതരണം ചെയ്യുന്നുവെന്ന് ചന്ദ്രബാബു നായിഡു പലതവണ ആരോപിച്ചിരുന്നു.
ലോക്സഭാ തിരഞ്ഞെടുപ്പിൽ എൻഡിഎയിൽ ടിഡിപിയുടെ സഖ്യകക്ഷിയായ ജനസേന പാർട്ടി (ജെഎസ്പി) തലവനും നടനുമായ പവൻ കല്യാണും ആന്ധ്രാപ്രദേശിലെ ഭരണസംവിധാനത്തെ ചോദ്യം ചെയ്തു. വൈഎസ്ആർ കോൺഗ്രസ് പാർട്ടി നൽകുന്ന മദ്യം തുടർന്നും കഴിച്ചാൽ ആളുകൾ രോഗബാധിതരാകുമെന്നും അദ്ദേഹം പറഞ്ഞു.
ജഗൻ മോഹൻ റെഡ്ഡി മദ്യവിൽപ്പനയിലൂടെ 40,000 കോടി രൂപ കൊള്ളയടിച്ചെന്ന് താൻ മത്സരിക്കുന്ന പിതപുരത്ത് നടന്ന റാലിയിൽ നടൻ പവൻ കല്യാൺ ആരോപിച്ചു. മദ്യം വാങ്ങുന്നതിന് ഡിജിറ്റൽ പണമിടപാട് സ്വീകരിക്കാത്തത് എന്തുകൊണ്ടാണെന്നും അദ്ദേഹം ചോദിച്ചു. “എവിടേക്കാണ് പണം പോകുന്നത്… മൊത്തം വിൽക്കുന്ന മദ്യത്തിൻ്റെ 74 ശതമാനവും വിതരണം ചെയ്യുന്നത് വെറും 16 കമ്പനികളാണ്?” പവൻ ചോദിച്ചു.
ആന്ധ്രാപ്രദേശിലെ മദ്യവ്യാപാരത്തെക്കുറിച്ച് അന്വേഷിക്കണമെന്ന് ആന്ധ്രപ്രദേശ് ബിജെപി അധ്യക്ഷ ഡി പുരന്ദേശ്വരി നേരത്തെ ആവശ്യപ്പെട്ടിരുന്നു.
ആന്ധ്രാപ്രദേശിൽ വരാനിരിക്കുന്ന നിയമസഭാ, ലോക്സഭാ തിരഞ്ഞെടുപ്പുകൾക്കുള്ള സീറ്റ് വിഭജനത്തിൽ ബിജെപി-ടിഡിപി-ജനസേന പാർട്ടി കഴിഞ്ഞ മാസം അന്തിമരൂപം നൽകിയിരുന്നു. ആറ് ലോക്സഭാ സീറ്റുകളിലും 10 നിയമസഭാ സീറ്റുകളിലും ബിജെപി മത്സരിക്കും. അതേസമയം ടിഡിപിക്ക് 17 ലോക്സഭാ സീറ്റുകളും 144 നിയമസഭാ സീറ്റുകളും നൽകിയിട്ടുണ്ട്. രണ്ട് ലോക്സഭാ മണ്ഡലങ്ങളും 21 നിയമസഭാ മണ്ഡലങ്ങളുമാണ് ജനസേനയ്ക്ക് നൽകിയിരിക്കുന്നത്.
