മുംബൈ: വിവാഹത്തിന് മുമ്പുള്ള തന്റെ പ്രണയബന്ധങ്ങളെക്കുറിച്ച് തുറന്നുപറഞ്ഞ് പ്രശസ്ത നടൻ റാം കപൂർ. ‘ലോക്ക് അപ്പ് 2’ റിയാലിറ്റി ഷോയ്ക്കിടെയാണ് താരം തന്റെ ഭൂതകാലത്തെക്കുറിച്ചുള്ള വെളിപ്പെടുത്തലുകൾ നടത്തിയത്. 2003-ൽ നടി ഗൗതമി കപൂറുമായുള്ള വിവാഹത്തിന് മുമ്പ് താൻ ഒരു ‘പ്ലേബോയ്’ ആയിരുന്നുവെന്നാണ് റാം കപൂർ വെളിപ്പെടുത്തിയത്.
റിയാലിറ്റി ഷോയിലെ സഹമത്സരാർത്ഥിയായ ശ്രേയ കൽറ, വിവാഹത്തിന് മുമ്പ് എത്ര പ്രണയബന്ധങ്ങൾ ഉണ്ടായിരുന്നുവെന്ന് ചോദിച്ചപ്പോഴാണ് റാം കപൂർ മനസ്സ് തുറന്നത്.
“ഗൗതമി ജീവിതത്തിലേക്ക് എത്തുന്നതിനുമുമ്പ് എനിക്ക് എണ്ണിത്തീർക്കാനാകാത്തത്ര പ്രണയബന്ധങ്ങൾ ഉണ്ടായിരുന്നു. അന്ന് ഞാൻ ഒരു പ്ലേബോയ് ആയിരുന്നു. എന്നാൽ വിവാഹത്തോടെ ജീവിതത്തിൽ വലിയ മാറ്റമാണുണ്ടായത്. വിവാഹശേഷം മറ്റൊരു പ്രണയബന്ധവും എനിക്കുണ്ടായിട്ടില്ല.” – റാം കപൂർ പറഞ്ഞു.
എത്ര ബന്ധങ്ങൾ ഉണ്ടായിരുന്നുവെന്ന് ശ്രേയ വീണ്ടും ആവർത്തിച്ചു ചോദിച്ചെങ്കിലും, “അതൊന്നും എണ്ണാൻ കഴിയില്ല” എന്നായിരുന്നു ചിരിച്ചുകൊണ്ടുള്ള റാമിന്റെ മറുപടി. വിവാഹജീവിതത്തിലേക്ക് കടന്നതോടെ താൻ പൂർണ്ണമായും മാറിയെന്നും താരം കൂട്ടിച്ചേർത്തു. റാം കപൂറിന്റെ ഈ തുറന്നുപറച്ചിൽ ഇപ്പോൾ സോഷ്യൽ മീഡിയയിലും ശ്രദ്ധ നേടുകയാണ്.
