കഴിഞ്ഞതവണത്തെ തോല്വിക്ക് മധുര പ്രതികാരം ചെയ്ത് ഇന്ഡ്യ. ലോകകപ്പ് സെമി ഫൈനലില് ന്യൂസിലാന്ഡിനെതിരെ 70 റണ്സ് വിജയം നേടി ഇന്ഡ്യ. മുഹമ്മദ് ശമി ഏഴു വികറ്റ് എടുത്തു. ഒരു ഘട്ടത്തില് ഇന്ഡ്യ തോറ്റുപോകുമോ എന്ന് കരുതിയിടത്തുനിന്നുമാണ് തുടരെ ന്യൂസിലാന്ഡിന്റെ വികറ്റുകള് എടുത്ത് ജയം ഉറപ്പിച്ചത്.ഇതോടെ ന്യൂസിലന്ഡിന്റെ പോരാട്ടവീര്യത്തെ മറികടന്ന് ഇന്ഡ്യ ഏകദിന ലോകകപ്പിന്റെ ഫൈനലില് എത്തി. മുംബൈ വാങ്കഡെ സ്റ്റേഡിയം അതിന് സാക്ഷ്യം വഹിക്കുകയും ചെയ്തു.
ടോസ് നേടി ബാറ്റിംഗ് തിരഞ്ഞെടുത്ത ഇന്ഡ്യ വിരാട് കോലി (117), ശ്രേയസ് അയ്യര് (105) എന്നിവരുടെ സെഞ്ചുറി കരുത്തില് 397 റണ്സാണ് നേടിയത്. ശുഭ്മാന് ഗില് 80 റണ്സ് നേടി. മറുപടി ബാറ്റിംഗില് ന്യൂസിലന്ഡിന് 48.5 ഓവറില് 327 എല്ലാവരും പുറത്തായി. 9.5 ഓവറില് 57ന് ഏഴ് വികറ്റ് വീഴ്ത്തിയ മുഹമ്മദ് ശമിയാണ് കിവീസിനെ തകര്ത്തത്. ഇതോടെ വികറ്റ് വേട്ടയില് ഒന്നാമതെത്താനും ശമിക്ക് (23) സാധിച്ചു. ഡാരില് മിചല് (119 പന്തില് 134) വിജയപ്രതീക്ഷ നല്കിയെങ്കിലും ലക്ഷ്യത്തിലെത്തിക്കാനായില്ല.
കൂറ്റന് വിജയലക്ഷ്യത്തിലേക്ക് മോശം തുടക്കമായിരുന്നു ന്യൂസിലന്ഡിന്. സ്കോര്ബോര്ഡില് 39 റണ്സ് മാത്രമുള്ളപ്പോള് ഓപണര്മാരെ ന്യൂസിലന്ഡിന് നഷ്ടമായി. ഡെവോണ് കോണ്വെ (13), രചിന് രവീന്ദ്ര (13) എന്നിവര്ക്ക് തിളങ്ങാനായില്ല. ഇരുവരേയും വികറ്റ് കീപര് കെ എല് രാഹുല് പിടിച്ച് പുറത്താക്കി. നാലാം വികറ്റില് കെയ്ന് വില്യംസണ് (69) മിചല് സഖ്യം 181 റണ്സ് കൂട്ടിചേര്ത്തു. വില്യംസണ് സൂക്ഷ്മതയോടെ കളിച്ചെങ്കിലും പാതിവഴിയില് വീണു. ശമിയുടെ പന്തില് സൂര്യകുമാര് യാദവിന് കാച്. പിന്നാലെ എത്തിയ ടോം ലാഥമിന് (0) തിളങ്ങാനായില്ല. അതേ ഓവറില് ശമി വികറ്റിന് മുന്നില് കുടുക്കി.
ഗ്ലെന് ഫിലിപ്സ് (33 പന്തില് 41) മിചല് സഖ്യം ക്രീസിലുണ്ടായിരുന്നപ്പോള് ന്യൂസിലന്ഡിന് പ്രതീക്ഷയുണ്ടായിരുന്നു. ഇരുവരും 79 റണ്സ് കൂട്ടിചേര്ക്കുകയും ചെയ്തു. എന്നാല് ബുമ്ര, ഫിലിപ്സിനെ പുറത്താക്കിയതോടെ കളിമാറി. അടുത്ത ഓവറില് മാര്ക് ചാപ്മാനെ (2) കുല്ദീപും തിരിച്ചയച്ചു. മിചലിന്റെ പോരാട്ടം 46-ാം ഓവറില് ശമിയും അവസാനിപ്പിച്ചുകൊടുത്തു.
ഇതോടെ ശമി അഞ്ച് വികറ്റ് പൂര്ത്തിയാക്കി. പിന്നീട് ടിം സൗതി (9), ലോകി ഫെര്ഗൂസണ് (6) എന്നിവരെ പുറത്താക്കി ശമി ഏഴ് വികറ്റ് പൂര്ത്തിയാക്കി. ഈ ലോകകപ്പില് മൂന്നാം തവയാണ് ശമി അഞ്ച് വികറ്റ് വീഴ്ത്തുന്നത്. ജസ്പ്രിത് ബുമ്ര, മുഹമ്മദ് സിറാജ്, കുല്ദീപ് യാദവ് എന്നിവര്ക്ക് ഓരോ വികറ്റ് വീതമുണ്ട്.
ഏകദിന ചരിത്രത്തില് ഏറ്റവും കൂടുതല് സെഞ്ചുറികളെന്ന റെകോര്ഡ് കോലിയുടെ പേരിലായി മത്സരം കൂടിയായിരുന്നിത്. സചിന് ടെന്ഡുല്കറെയാണ് (49) കോലി മറികടന്നത്. ഒരു ലോകകപ്പില് ഏറ്റവും റണ്സെന്ന റെകോര്ഡും സചിനില് (673) നിന്ന് കോലി തട്ടിയെടുത്തു. 711 റണ്സാണ് കോലിയുടെ അകൗണ്ടില് ഇപ്പോഴുള്ളത്. എപ്പോഴത്തേയും പോലെ മികച്ച തുടക്കം നല്കിയ ശേഷമാണ് കാപ്റ്റന് രോഹിത് ശര്മ (29 പന്തില് 47) മടങ്ങുന്നത്. രോഹിത്തിനെ സൗതി, പിന്നാലെ കോലി ക്രീസിലേക്ക്. കോലി സൂക്ഷിച്ച് കളിച്ചപ്പോള് ഗില് ഒരറ്റത്ത് ആക്രമണം തുടര്ന്നു. എന്നാല് അധികനേരം അദ്ദേഹത്തിന് ക്രീസില് തുടരനായില്ല. മുംബൈയിലെ കനത്ത ചൂടില് തളര്ന്ന ഗില് റിടയേര്ഡ് ഹര്ടായി. മടങ്ങുമ്പോള് മൂന്ന് സിക്സും എട്ട് ഫോറും ഗില് നേടിയിരുന്നു. വൈകാതെ കോലി തന്റെ അമ്പതാം സെഞ്ചുറി പൂര്ത്തിയാക്കി. 113 പന്തുകള് നേരിട്ട കോലി 117 റണ്സാണ് ഒന്നാകെ നേടിയത്.കിവീസ് കാപ്റ്റന് കെയ്ന് വില്യംസണിന്റെ കൈകളിലെത്തിക്കുമ്പോള് ഇന്ഡ്യ 8.2 ഓവറില് 71 റണ്സ് നേടിയിരുന്നു
പിന്നാലെ കോലി ക്രീസിലേക്ക്. കോലി സൂക്ഷിച്ച് കളിച്ചപ്പോള് ഗില് ഒരറ്റത്ത് ആക്രമണം തുടര്ന്നു. എന്നാല് അധികനേരം അദ്ദേഹത്തിന് ക്രീസില് തുടരനായില്ല. മുംബൈയിലെ കനത്ത ചൂടില് തളര്ന്ന ഗില് റിടയേര്ഡ് ഹര്ടായി. മടങ്ങുമ്പോള് മൂന്ന് സിക്സും എട്ട് ഫോറും ഗില് നേടിയിരുന്നു. വൈകാതെ കോലി തന്റെ അമ്പതാം സെഞ്ചുറി പൂര്ത്തിയാക്കി. 113 പന്തുകള് നേരിട്ട കോലി 117 റണ്സാണ് ഒന്നാകെ നേടിയത്.
രണ്ട് സിക്സും ഒമ്പത് ഫോറും ഉള്പെടുന്നതാണ് രാഹുലിന്റെ ഇന്നിംഗ്സ്. 48-ാം ഓവറില് ശ്രേയസ് അയ്യരും സെഞ്ചുറി പൂര്ത്തിയാക്കി. തുടര്ചയായ രണ്ടാം സെഞ്ചുറിയാണിത്. 70 പന്തുകള് മാത്രം നേരിട്ട ശ്രേയസ് എട്ട് സിക്സും നാല് ഫോറും നേടി. 49-ാം ഓവറില് ട്രന്റ് ബോള്ടിന് വികറ്റ് നല്കിയാണ് ശ്രേയസ് മടങ്ങുന്നത്. സൂര്യകുമാര് യാദവ് (1) അവസാന ഓവറില് മടങ്ങി. ഗിലിനൊപ്പം കെ എല് രാഹുല് (39) പുറത്താവാതെ നിന്നു. കിവീസിന് വേണ്ടി ടിം സൗതി മൂന്ന് വികറ്റ് വീഴ്ത്തി.
നേരത്തെ, നെതര്ലന്ഡ്സിനെതിരെ അവസാന ലീഗ് മത്സരം കളിച്ച ടീമില് മാറ്റങ്ങളൊന്നുമില്ലാതെയാണ് ഇന്ഡ്യ ഇറങ്ങുന്നത്. ശ്രീലങ്കക്കെതിരെ അവസാന മത്സരം ജയിച്ച ടീമില് ന്യൂസിലന്ഡും മാറ്റം വരുത്തിയിട്ടില്ല.
